Vakt 19-21.30: Ingjerd Asbjørnsen, Arvid Nordstrand, Bastian Weiberg-Aurdal. Vakt 21.30-00.00: Kristin Grebstad, Petter Velle, Olav Pileberg. (bilete)

Tradisjonen tru stiller Rotary-klubben i Sykkylven med vakter til rusfritt arrangementet som kvart år i april vert skipa til i Storhallen, som eit samarbeid  russ – politi, og fleire. Treffet denne fredagskvelden føya seg pent inn i rekka med vellykka gjennomføringar,- i alle fall sett med vaktene sine auge. Eit par hundre unge frå ungdomsskulen og oppover såg ut til å ha det kjekt i lag, og frå «sjef-arrangør» og blåruss Anna Birgitte Våtmyr var det berre godt å høyre. Ho fekk full støtte frå sjølvaste russepresidenten, rødruss Willian Hansen (Mannen i «gulljakke» til høgre i biletet.) Sykkylven Rotaryklubb ønskjer russen alt godt i feiringa som ligg føre, men også alt godt til sykkylvs-ungdommen i det heile som har krevjande eksamensarbeid å hanskast med framover mot slutten av skuleåret. Lykke til! 

  

Publisert av Jarle Svindseth 28. april 2018