Sykkylving
DG i Rotary
Arvid Blindheim har frå 1. juli teke over
vervet som DG – Distriktsguvernør – for Distrikt 2305 i Rotary International.
Arvid vart fødd 1948 i Sykkylven, og er no busett saman med fru Anne Cathrine på
Vestnes. Han er chartermedlem og var ein av stiftarane av Vestnes Rotary Klubb i
1978. Blindheim vil aksle vervet som guvernør ut juni 2019. Distriktet omfattar
Hedmark, Oppland, Sunnmøre, Romsdal og i
tillegg Eda i Sverige. Ikkje sidan Karstein Oddmund Vik sine dagar rundt 1978 har
ein innfødd sykkylving vore distriktsguvernør i Rotary. Arvid er utdanna lærar
frå Hamar lærerskole, med tilleggsutdanning i musikk og spesialpedagogikk. I
tillegg har han mastergrad i samfunnsplanlegging og leiing frå Høgskulen i
Volda. I Vestnes kommune har han arbeidd som lærar og rektor, før han tok over
som fylkeskultursjef i 1992, ei stilling han hadde til han gjekk av med pensjon
i 2013. Han er styreleiar for Bjørnsonfestivalen og for Vestnes Sogelag. Mellom
anna dette, saman med vervet som DG i Rotary er det ikkje nemnande fare for at
Arvid vil mangle arbeid med det første. I desse dagar legg han ut på ei
besøksrunde til alle Distrikt 2305 sine 51 klubbar. Vi ønskjer han også
velkommen til Stranda og Sykkylven!
2. august 2016
Les meir om den nye Verdenspresidenten på Nyhendesida vår.
7. juli 2016
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
3. mai 2016
Kyrkjeparken i Sykkylven, ei perle i sentrum!
Service Above Self – Å gagne andre – kjem av og til ekstra godt til syne hos medlemmene i Sykkylven Rotary Klubb. Til dømes på den årvisse dugnaden i Kyrkjeparken.
24. februar 2016
I dag hadde vi besøk av Jarle Strømmegjerde som heldt et interessant foredrag om SNU og aktivitetane der. Sjekk gjerne denne heimesida: http://www.skaparglede.no
20. oktober 2015
Onsdag 14,. oktober hadde vi besøk av guvernør Odd Jarle Hagen og ass. guvernør John Stenes
9. juli 2015
Det opne møtet i Sykkylven Rotary Klubb sist onsdag samla fram mot førti medlemmer og gjester. Alle ville dei høyre det som konstituert administrerande direktør i Helse Møre og Romsdal, Dag Hårstad, hadde å seie om sjukehusstruktur og spesialhelsetenesten
21. mars 2015
Distrikt 2305 inviterte tillitsvalde i klubben til seminar 21.mars 2015, på Quality Hotel Waterfront i Ålesund. Biletet viser samlinga i plenum før lunsj.