RYLA, seminar i Ulsteinvik 8.-10. november 2018

SRK sin utsending Erlend Lillevik besøkte klubben i møtet 27. mars og fortalde og viste bilete frå Rotary Youth Leadership Awards - RYLA - seminaret i Ulsteinvik. Ikkje gå glipp av referat med bilete og PowerPoint lysbilete! 


Sykkylven Rotary Klubb, møte 27. mars 2019. Banksalen kl 19. 

Skrivar: Olav Pileberg

President Greta ønska vel møtt til møte den 27. mars, og eit ekstra velkommen til Knut Molnes og kåsør Erlend Lillevik, gjester for kvelden. Applaus. 

Namnedag har Rudolf og Rudi. Rudolf kan bl.a. knytast til filosofen Rudolf Steiner, (1861-1925), austerrikaren som utvikla antroposofi, som vart grunnlaget for «Steiner-pedagogikken» og som førte til etablering av talrike «Steinerskoler» i mange land. Med unntak av Danmark og Noreg, blir desse skulane kalla «Waldorf-skoler» i dei andre landa. I Noreg er det om lag 34 steinerskolar.

Dagen i dag: Hans Wilhelm Röntgen, fysikar fødd 1845 i Tyskland. Han oppdaga røntgenstrålane, som brøyta veg for enklare diagnostisering av pasientar med skader i skjelettet. Strålane blir også mykje nytta i materialgransking og sveisestyrke, bl.a. Röntgen fekk Nobelprisen i fysikk i 1901 for denne oppdaginga. Jurij Gagarin, verda sitt første menneske til å flyge i bane rundt jorda, 1961. Han døde i ei flyulukke*) 1968, 27. mars. Oljeplattforma «Alexander Kielland» kantra under uver i Nordsjøen 1980. 123 menneske omkom, og 83 blei redda.

*) Førstemann i verdensrommet, Jurij Gagarin, døde da en uvøren jagerflykollega kom så nær flyet hans at det gikk i spinn - og styrtet mot jorden i en hastighet på 750 km/t.

Ord for dagen, Voltaire (f. 1694): «Øyet er veien til hjertet.»

3-minutt ved Ingjerd Asbjørnsen: Ho hadde valt å reflektere litt over Kulturminnelova, aktuell med funn av nytt, gammalt vikingskip i Borreparken, Horten. Ikkje like positiv var hennar og mannen Svein si oppleving av praktiseringa av lova, som ho meinte la så store hindringar i vegen for deira byggeprosjekt nær Berlihuset, at det spøkte for heile prosjektet. Strengt praktisert kan lova såleis vere til betydeleg hinder for utbygging i sentrum og sentrumsnære område i heile Noreg.

Opplysningar: Førstkommande klubbmøte går ut, til fordel for Årsfesten fredag 5. april klokka 19 i Odd Fellow lokalet, Straumgjerde. Merk tida klokka 19!

·        Petter Velle hadde vore på PETS og melde om godord og utmerking attende til klubben for ekstra godt system for banktrekk og innbetaling til TRF… The Rotary Foundation. Klubben hadde også fått pengar attende, med betydeleg støtte både til parkeringsplass ved Speiderbo og til vårt engasjement på Filippinane, med Lola Day Care Center / May Britt Tynes.

Song for dagen: Mot i brystet, vett i pannen, stål i ben og arme… Olav føresongar peika på koplinga til Erlend Lillevik: vår RYLA-ungdom, gjest og høgst oppegåande føredragshaldar. Velklingande song og velsmakande kaffi og kakestykke vart gjort unna på under eit kvarter, og dermed fekk Lillevik sin tilmålte halvtime til disposisjon, med tema:

 

På RYLA seminar i Ulsteinvik, 8.-10. november 2018

http://d2305.rotary.no/no/ryla-more-og-romsdal#.XKI97pgza70


NB: Med stor velvilje har Erlend stilt til rådvelde sin pptx-presentasjon, som du får opp når du klikkar her. Hugs å vente på PowerPoint, nedlasting av 28 MB.

Erlend utmerka seg i kåseriet med tydeleg og god tale, og med greie/ informative lysbilete.

Etter presentasjon av seg sjølv – der han m.a. viste til både far og bestefar som rotarianarar, og jamvel oldefar Marius som kjendis i Sykkylven,- var visst ingen i lokalet i tvil om kvar Erlend kom frå. Denne skrivaren hugsa jamvel Erlend frå mai 2011, som følgde far og buss-sjåfør Hallstein på Rotary-turen til bl.a. Naas Kalksteinbrudd AS og Nilsen Museet på Eide, Nordmøre, med forvitnelege bilar og traktorar… mellom mangt anna. Med på den turen var – forutan faren, også bestefar Erling og veslebror Karl Johan. Ei stor oppleving. Biletet viser gutane saman med ein rålekker Ford GT40 mk2, med 6,4 liter V8 motor, meiner far å hugse. Tett på åtte år har gått, og både vi og gutane ber preg av det. Men, tilbake til Erlend og kåseriet:

Etter som kvart av lysbileta i følgje ordtaket seier «meir enn tusen ord», vil eg her ikkje trøytte lesaren med altfor mange detaljar, men framheve Erlend si udelt positive attgjeving av opplevinga på seminaret i Ulsteinvik. Dei rundt 30 deltakarane i alderen 17-30 år –  frå Sunnmøre-regionen,– vart behandla og utfordra på aller beste vis. Stikkord som samarbeid i grupper og kreativitet var høgt verdsett, ikkje minst i konstruksjon og oppbygging av ein katapult som skulle skyte ut ein tennisball lengst mogeleg. Er du heldig, ser du «vinnarskotet» i eit av bileta i PowerPoint-serien. (Det verka greitt på min PC) Seminaristane fekk også prøve seg på Jung sin personlighetstest, for å lære meir om seg sjølve. Sjå lysbilete.  Ekskursjon til Kleven Verft AS sto på programmet, og ved kaia låg det nesten fiks ferdige, nye cruise- og hurtigruteskipet  «Roald Amundsen». Saman med sosialt samvær, god mat og trivelege omgjevnader, gav konklusjonen seg sjølv: Dei årvisse RYLA-seminara er eit FUNN for alle kvinner og menn mellom 20 og 30 år som ønskjer å knytte nettverk og prøve/ utvikle seg sjølv som leiar.

Erlend var vel verd dei gode orda som president Greta gav han til slutt i møtet.

Neste Rotary-møte blir Årsfesten i Straumgjerde, fredag 5. april kl. 19. Vel møtt!   

Tusen takk til Erlend!            Bileta følgjer:


Frå venstre: Stilig Ford (for modell, les i referatet!), Erlend og Karl Johan Lillevik. Åtte år seinare: Erlend har kåsert i SRK om korleis det var å ta del i RYLA-seminar, og får vel fortent og STOR takk frå president Greta Herje.


Ein tydeleg fornøgd flokk med RYLA-ungdommar: Ulsteinvik, 8.-10. november 2019. Erlend står mellom dei bakerste. Rolf Klock - RYLA-entusiast og seminarleiar, ser du lengst til høgre med grå jakke. 


 
Presidenten sin time

18. mai 2019

Presidenten sin time

President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020

Med Terje Aurdal gjennom tre land, frå Grense - Jakobselv til Lindesnes.

22. januar 2019

Med Terje Aurdal gjennom tre land, frå Grense - Jakobselv til Lindesnes.

Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.

Presidenten sin time: Bastian fortel om besøk av 60 framtidige bønder.

10. februar 2018

Presidenten sin time: Bastian fortel om besøk av 60 framtidige bønder.

Les referat frå Presidenten sin time med Vinlotteri.

Rotarymøte 10 . januar 2018:

11. januar 2018

Rotarymøte 10 . januar 2018:

Les referat av ordfører Odd Jostein si orientering om stoda i Sykkylven Kommune.

Presidenten sin time med Vinlotteri

6. januar 2018

Presidenten sin time med Vinlotteri

Les Olav sitt flotte referat frå Presidenten sin time 3. januar.

Julemøte i Sykkylven Rotaryklubb.

6. januar 2018

Julemøte i Sykkylven Rotaryklubb.

Referat frå koselig julemøte 20. desember 2017

Rotarymøte 13.desember 2017

6. januar 2018

Rotarymøte 13.desember 2017

Les Olav sitt flotte referat med m.a. Lars Einar Riksheim sitt foredrag om Amtec.

Rotarymøte 6..desember 2017

6. januar 2018

Rotarymøte 6..desember 2017

Les Ragnar Kaland sitt foredrag om arbeidsplassen sin Laader Berg.

28. desember 2017

Presidenten sin time med Årsmøte

Les referat frå Årsmøtet

Utvekslingsstudent Benjamin Stuen via skype frå Stord:

28. oktober 2017

Utvekslingsstudent Benjamin Stuen via skype frå Stord:

Les kva vår utvekslingsstudent frå Brasil hadde å berette via skype.

Sosiale medier

Møteinformasjon

Møtested: Bankbygget
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no

Place content here

Møtearkiv fra
før August 2022



rotary lenker

Nyheter fra
rotary INTERNATIONAL:

Loading RSS...

Nytt fra Rotary i Norge

District - Rotary RSS