Rotarymøte 10.04.2019: Kathrine Glørsen Hole: "Ull og omtanke".

President Greta ønska vel møtt, takka for sist og for ein hyggelig Årsfest. Arild og Knut var til stades, no som fullverdige medlemmer, og ikkje som gjester.

Greta tok for seg hendinger nett denne datoen:

I 1814 kom riksforsamlinga saman på Eidsvoll: 112 medlemmer, mest frå hæren og embedsverket. Ingen frå Nord – Norge nådde fram i tide. I 1829 blei grunnleggeren av Frelsesarmeen, William Booth født. Den sovjetiske revolusjonleiaren, Vladimir Uljanov, bedre kjent som Lenin, født i 1870. Den svenske skuespelar, Max von Sydow, født i 1929. Den flotte skuespelaren, Omar Sharif, født 1930. Så til kringkasting: Nordens første radioprogram blei sendt frå Tryvann i 1923. Den første fargesendinga på TV blei sendt i 1972. 

Og til slutt, noko som både Kongehuset og vi som nasjon kan vere stolte av: Kong Haakon sa nei til tyskerane sitt krav om å utnemne Quisling til statsminister denne datoen i 1940.

Trubadur Olav hadde opprinnelig tenkt å bruke «Bæ, bæ, lille lam» som rotarysong sidan dette passa godt til kvelden sitt tema. Men det flotte vårveret inspirerte han til Elias Blix sin: «No livar det i lundar». Eit godt valg, etter referent si meining.

Ymse:

President Greta klaga over at ho ofte er litt seint ute med blomster til medlemmer som fyller rundt år. Denne gangen ville ho vere i forkjøpet: Ho kalla fram Bastian, som fyller 60 år om nokre dager. Ein flott blomsterbukett og ein god klem til Bastian.

3- minutt:

Visepresident Petter heldt 3- minutt: Han tok for seg noko som blir kalla REKO. Det står for Rettferdig Konsum. Dette er eit matnettverk, der m.a. Facebook blir nytta til å annonsere salg av lokalproduserte kjøttvarer. I kommentarfeltet kan ein bestille varene ein er interessert i. Det er to møteplasser i Ålesund der kjøttprodusent og mottakar møtes, og det blir utveksla varer og betaling. I Norge er det for øyeblikket 37 aktive REKO-ringer der 450 produsenter er tilknytta. Det er 2 REKO-ringer i Møre og Romsdal.

Petter fortalte at det er dei store kjedene som dominerer marknaden når det gjeld salg av landbruk- og kjøttprodukter. REKO er ein måte å gjere seg uavhenging av desse. På mange måter er dette ein Vinn – vinn situasjon der produsenten får auka lønnsemnd, med auka salg og større kundegrupper. Kunden får ferske kvalitetsvarer ved direkte kontakt med produsenten. Det er sosialt og lokale produsenter som blir støtta. Petter avslutta med: «Folket i verda blir det dei spiser».  

Kathrine Glørsen Hole og «Ull og omtanke»:

Kathrine er primus motor for "Ull og omtanke". Dei deler ut pledd satt saman av lapper av restegarn. Målgruppa for dette er kreftpasienter. Lappane blir montert til eit pledd ved hjelp av 5 dugandes montører. Det tek både lang tid og tolmodighet.

Etter rotarykaffe og gode sveler, var det Kathrine Glørsen Hole sin tur til å ta ordet. Ho innleia med at ho er frå Oslotraktene, men ho har funne seg ein solid velledaling. Derfor etternamnet, og derfor er ho busett seg i Velledalen.

Dei som strikker mykje (ikkje referent !) veit at det ofte blir mykje restegarn. Ei dame i Fredrikstad nytta dette til å strikke lapper etter eit visst mål, for deretter å få andre damer til å montere det til eit pledd. Dette gav ho videre til folk som hadde fått ein kreftdiagnose. Ei bivirkning ved cellegift er at pasienten frys mykje. Derfor er eit slikt pledd velkoment. Så vidt referent forstår, begynte desse damene å kalle seg «Ull og omtanke»

Kathrine synes dette var ein god ide og fekk til noko liknande her i Sykkylven. Av ullrestegarnet blei det strikka lapper etter eit spesifikt mål. Dette blir så levert Kathrine som setter dei saman etter som ho synes fargane passer. Deretter blir dette levert til 5 montører som setter dei saman til eit pledd. Det tek ca. 20 til 30 timer å montere eit slikt. Målet var 150 pledd på 4 år, men det er blitt 380. Rekn ut sjøl kor mange timer som er gått med til monteringa! Heilt gratis er det ikkje å lage desse pledda: Med forskjellige remedier og porto osv. blir det ca. 250 – 300 kr. pr. pledd. Dei blir så donert til folk som har fått ein kreftsjukdom. Dei betaler sjølsagt ingenting. For mange kan dette pleddet bety mykje. Enkelte har valgt å bli gravlagt i dei.

Sidan kreftsjukdommer er likt fordelt på kvinner og menn, er nok kvinnene overrepresenterte som mottakere: 80 % er kvinner. Elles er mottakarane i alle aldre.

Dersom vi gutta vil sette i gang med å produsere, er det berre å skaffe seg pinner nr. 5, skaffe seg garn eller restegarn av ull, og sette i gang!

Til å vere ein såpass (referent tillet seg å kalle det) feminin syssel, var det mange av karane som viste stor interesse for pledda som Kathrine hadde stilt ut.

Etterpå fekk foredragshaldar ein svært velfortjent gest i form av ein flott innpakka ost. Denne kom, i følge Kathrine neppe, til å vare lenge.

Presidenten takka av med å minne om fri i påska, og at første møtet etter påske er vår årlege dugnad ved Kyrkjeparken.

Referent

Jarle Svindseth

2. august 2016

Verdenspresidenten i Rotary 2016/2017: John F. Germ

Les meir om den nye Verdenspresidenten på Nyhendesida vår.

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.

4. juli 2016

Rico Bil AS: Blomstrande bedrift med bil i fokus!

Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.

27. juni 2016

Bedriftsbesøk til Nyborg AS

Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.

28. mai 2016

Gardsbesøk

Gardsbesøk 25. mai hosBastian

3. mai 2016

Dugnad i Kyrkjeparken

Kyrkjeparken i Sykkylven, ei perle i sentrum!
Service Above Self – Å gagne andre – kjem av og til ekstra godt til syne hos medlemmene i Sykkylven Rotary Klubb. Til dømes på den årvisse dugnaden i Kyrkjeparken.

24. februar 2016

Sykkylven Næringsutvikling

I dag hadde vi besøk av Jarle Strømmegjerde som heldt et interessant foredrag om SNU og aktivitetane der. Sjekk gjerne denne heimesida: http://www.skaparglede.no

20. oktober 2015

InterCitymøte på Berlihuset

Onsdag 14,. oktober hadde vi besøk av guvernør Odd Jarle Hagen og ass. guvernør John Stenes

9. juli 2015

Helse Møre og Romsdal Hf som hovudtema i SRK

Det opne møtet i Sykkylven Rotary Klubb sist onsdag samla fram mot førti medlemmer og gjester. Alle ville dei høyre det som konstituert administrerande direktør i Helse Møre og Romsdal, Dag Hårstad, hadde å seie om sjukehusstruktur og spesialhelsetenesten

21. mars 2015

KK-Seminar/ Klubb Kompetanse Seminar, Ålesund

Distrikt 2305 inviterte tillitsvalde i klubben til seminar 21.mars 2015, på Quality Hotel Waterfront i Ålesund. Biletet viser samlinga i plenum før lunsj.