Rotarymøte 11.09.2019: Ole Bjørn Roald.

Referat frå Rotarymøte 11.09.2019:

Ole Bjørn Roald held foredrag om dei arkeologiske funna på Auremarka. Han ser for seg at ein kan lage ei opplevingsreise for turister der ein kombinerer vikingkultur og arkeologi med kulinariske opplevinger.

President Petter ønska alle vel møtt, og særleg kvelden sin gjest, Ole Bjørn Roald. Han ville halde foredrag om korleis ein kan utnytte dei arkeologiske funna på Auremarka. Applaus!

Som vanleg litt om dagen sin dato: Dagny og Dag har namnedag.

I 1938 blei Sondre Bratland født.

I Chile var det militærkupp denne dato i 1973. President Salvador Allende blei drept.

I 1988 demonstrerte 300 000 mennesker i Tallinn med krav om sjølstende frå Sovjetunionen.

I 1989 erklærte Ungarn seg sjølstendig frå Sovjetdominansen.

Til sist: Noko som har gjort denne datoen til eit dystert begrep: Terroristangrepa i USA som kosta 2800 mennesker livet.

Rotarysong:

I etterkant av kommunevalget, der dei «grøne» partia hadde god framgang, synes trubadur Olav at «Himlajord» av Evert Taube passa godt. Den var lett å synge med Olav sitt flotte gitarspel.

I sekretæren sitt fråver, forkynte president Petter at Geir B har bursdag 17. september og fyller då 66 år. Om det er noko symbolsk i det, veit ikkje referent, men den same Geir står for tur til BUAS- besøk saman med Greta.

3- minutt:

3 minutt var Roald Mork. Han viste flotte bilder frå ferieturen i sommer til dei greske øyer, nærare bestemt Kykladene. Særleg imponert blei referent over den flotte solnedgangen frå hotellrommet som Roald budde på.

Ymse frå presidenten:

President Petter fortalte at han hadde ein eller to kandidater til RYLA.

Styret hadde bestemt å sponse deltaking ved Stranda Rotary sitt 60 års jubileum med kr. 300,-. Dette for å få opp interesse for jubileumsfesten. Styret i SRK ville ha møte med Guvenøren kl. 16:00 her i Sykkylven.

Då Poliodagen på Fagrefjellet har hatt ein tendens til å bli ramma av dårleg ver, bestemte Styret å flytte ned til sentrum, laurdag 5. oktober. Som vanleg i samarbeid med Speidarane. Petter etterlyser fleire som kan ta del i planlegginga av denne dagen.

Ole Bjørn Roald: Ei kulinarisk historiereise:

Etter rotarykaffe med eplekake som smelta på tonga, fekk Ole Bjørn ordet: Han er medlem av «Styret for Aure-Pål sine Vener». Han held eit langt og grundig foredrag om dei arkeologiske funna på Auremarka. Referent verken kan eller vil gå i detalj om dette. For meir detaljert info, klikk på: https://lokalhistoriewiki.no/wiki/Auremarka_-_fornfunn.

Ein raud tråd i Ole Bjørn sitt foredrag er korleis ein kan utnytte desse funna til å skape verdier i Sykkylven. Det er eit faktum at mange møbelfabrikker balanserer på ein knivsegg, reint økonomisk. Ekornes går endå bra, men det er for risikabelt å basere økonomien kun på eit bedrift. Det har elles, fortel Ole Bjørn, aldri vore så stilt på Aure etter butikkstengetid og med fleire ledige forretningslokale. Derfor meiner han at Sykkylven knapt har råd til å la sjansen gå frå seg til å utnytte funna økonomisk.

Foredragshaldaren viste til korleis andre kommuner med fornfunn har utvikla desse til ei inntektskilde: Borg i Lofoten, Torvsteinen i Sandnes, Øyna i Inderøy (Privat), Kaupang Vikingby i Tønsberg, Borre i Vestfold (Gildehallen), Landa Park (likner oss mest) og til sist, men ikkje minst Sagastad i Nordfjord. Her er det blitt investert 60 mill. kroner i ein Kunnskapspark.

Slik referent forstår Ole Bjørn, tek han utgangspunkt i Designvegen, der turisten blir leia gjennom kommunene Sykkylven – Stranda og Stryn.  Etter å ha bygd ein Gildehall og Kulturpark, tenker Ole Bjørn at ein, for det første, kan formidle kultur og historie frå steinalder til vikingtida. Deretter, kjem vi til det kulinariske: Gjere synlig gamal kokekunst og mathistorie frå sjø, elv og fjell. Og med bakgrunn i dei historiske funna, servere kjøtt, fisk og øl.

Dette er byrjinga på ei kulinarisk reise som går vidare til Stranda og den solide mattradisjonen dei har. Her blir det formidling av den industrielle sida av matproduksjon med både smaksprøver og salg av mat.

Vidare til Hellesylt med formidling av historie og servering av mat også her. Ein kuriositet er orientering om Åkernesrenna. Til slutt går turistane om bord i ferja til Geiranger der dei kan oppleve kultur ved Fjord Senteret og omvisning i Unesco sitt verdensarvområde. Her er fleire hotell som kan servere lokal og kortreist mat. Turistane treng ikkje reise svoltne herifrå heller.

Ole Bjørn minte om at det er eit stort potensial dersom ein får til ei djupvasskai ved Aure. Her kan turistbåter legge til. Det kan tenkast at turistane kan bli leia same ruta som beskreve ovanfor.

Men for å få dette til må ein samarbeide: Mellom kommunene, og fylket må kome på bana. Likeleis med private aktører. For å fortgang i prosessen må det utarbeidas ein profesjonell prosjektplan og ein økonomisk driftsplan.

Ole Bjørn avslutta foredraget med at for å lykkas må ein tørre å satse, og kvaliteten må vere god.  

Det store spørsmålet er om Sykkylven har råd til å la vere.

Som vanlig ein del spørsmål etter foredraget. At mange var interesserte i temaet, viste frammøte: Det var flotte 31.

For å videreføre det kulinariske ved kvelden sitt tema, fekk Ole Bjørn overrakt ei kortreist fårepølse av president Petter.

Så takka Presidenten for møtet, minte om neste onsdag sitt tema og ønska alle vel heim.

Referent

Jarle Svindseth

9. september 2017

Ingrid van der Velde:

Les referat frå Ingrid sitt flotte foredrag: "Frå Norge til Nederland: Sykkylven på godt og vondt".

5. september 2017

Landsspeiderleiren i Bodø 2017:

Les kva speidarane hadde å fortelle frå Landsspeiderleiren i Bodø 2017.

5. september 2017

Besøk ved den nye Brannstasjonn

Les referat frå Sykkylven Rotaryklubb sitt besøk ved den nye Brannstasjonen.

29. juni 2017

Presidentskifte.

Les og sjå bilder frå presidentskifte i Sykkylven Rotaryklubb. Bastian tek over som president etter Steven.

26. juni 2017

May Britt og Prosjekt Filippinene:

Les siste Infobrev nr. 20 frå Prosjekt Filipinnene.

17. juni 2017

Utvekslingsstudent Daniel heldt foredrag på norsk om sitt opphald her i Sykkylven.

Les kva Daniel hadde å fortelle frå sitt opphald her i Sykkylven. Sjå også bilder frå "avskjedsfesten".

13. juni 2017

Kjell Løseth fortel om identitetstjuveri.

Les referat frå møte i SRK der Kjell fortel om identitetstjuveri og mester -identitetstjuv Viggo Johan Ørbak.

22. april 2017

Vårt nye medlem Sindre Stuen heldt sitt Egoforedrag 19. april.

Les Sindre sitt foredrag frå eit spennende liv både til lands og til vanns.

8. april 2017

Visepresidenten sin time 5. april.

Les kva visepresident Bastian hadde å fortelle frå Presidentkurset (PETS) på Dombås 1. og 2. april. Les også kva sokneprest Helge fortalte om sin situasjon etter oppseiinga av sin jobb som prest.

1. april 2017

Fredrik Støyva Emblem frå Ålesund Kunnskapspark (åkp)besøker Sykkylven Rotaryklubb

Les referat frå det interessante og framtidsretta foredraget som Fredrik heldt 29. mars i Sykkylven Rotaryklubb.