Rotarymøte 18.12.2019: Julemøte:

Rotarymøte 18.12.2019: Julemøte:

18. desember blei det halde julemøte i Sykkylven Rotatyklubb. Borgar Tynes blei tatt opp som nytt medlem, og Trygve kom med synspunkt på at Jesus blei født med store odds mot seg. Ove fortalte meir om rotarybesøk i Spania.

President Petter ønska vel møtt til julemøte, og siste rotarymøte i 2019. 3 gjester blei ønska velkomne: Torill Lillebø Nerland og Audun Nerland. Torill er frå Sykkylven og har budd på Vestnes saman med Audun. Ho er tidlegare medlem i klubben vår. Ho og Audun har no flytta tilbake til Sykkylven. Vi som har levd ei stund og er sportsinteresserte, veit at Audun var elitelangrennsløper på 1970- talet.

Så var det Borgar Tynes som, når han går frå dette møte, ikkje lenger er gjest, men medlem i Sykkylven Rotaryklubb. Applaus til alle tre!

«Juleoratoriet».

Ikkje noko julemøte i SRK utan J.S. Bach sitt «Juleoriatoriet». Trubadur Olav viste ei mektig framføring frå Frauenkirche i Dresden. Oriatoriet inneheld 6 kantater. Vi fikk høyre deler av 1. kantate: «Jauchzet – frohlocket», meint å bli framført 1. juledag. 

Opptak av nytt medlem.

Eit av høgdepunkta i rotarysamværet er opptak av nytt medlem; denne gang Borgar Tynes. Rolf, som er fadder, held ein kort presentasjon, og deretter delte president Petter ut rotarynåla. Vi ynskjer Borgar velkomen i Sykkylven Rotaryklubb!!

Bilde ve.: Borgar blir tatt opp som medlem. Hø.: Rolf, Borgar og president Petter.

Før sekretær fekk ordet, song vi Jakob Sande sin nydelige: «Det lyser i stille grender», med trubadur Olav ved pianoet.

Sekretær.

Sekretær kunne opplyse at forrige gang var 18 frammøtte. Det ga stusselige 45 % frammøte. Det er Per Ringdal og Kristin sjøl som står for tur til BUAS- besøk.

Trygve: Tankevekkande juleevangelium.

Trygve Ebbesvik held eit tankevekkande innslag om det utrulege juleevangeliet. Vi har vår tidsrekning etter Jesu sin fødsel. Trygve fortalte at det blei bomma ein del på fødetidspunktet. Sannsynligvis blei Jesus født 7 år tidlegare enn rekna med.

Det var spådd at ein konge skulle bli født. Det var nærliggende å tru at dette ville skje i pomp og prakt på eit flott slott. I staden blei Jesus født under så kummerlige kår som tenkast kan, med alle odds mot seg. Født av ei tenåringsmor som påstod at dette var ein jomfrufødsel. I den jødiske kulturen blei det ikkje tatt nådig opp med barn  født utanfor ekteskap.

Tankevekkande er det også at dei første som blei vitne til det lille barnet, var ein flokk gjetarar. Desse hadde ikkje det beste ryktet på seg.

I denne tida herska ein despot som heitte Herodes. Han kunne tenkast å stå det lille barn etter livet. Referent tillet seg å legge til, at i følge Matteusevangeliet, måtte Maria og Josef flykte med det lille barnet til Egypt. Dei flytta tilbake då Herodes var død.

Juleevangeliet fortel om 3 vise menn som gjekk etter ei ledestjerne (Betlehemsstjerna). Trygve kom med synspunkt på kva fenomen dette var. Kunne det vere ein komet? Kunne det vere ein supernova?  Eller var dette fenomenet at Jupiter og Saturn hadde gått saman og stråla såpass sterkt at dei kasta skygge på jorda? Astronomar kan «spole» tilbake stjernebilde, og nettopp dette skjedde år 7 før vår tidsrekning.

Trygve konkluderte med at juleevangeliet inneheld ei rekke utrulige hendinger som virkelig utfordrer tanken vår.

Julemåltid med koldtbord og dessert/kaffe.

Matkomiteen hadde gjort ein fenomenal jobb: Koldtbord med spekemat, laks, eggerøre, og ikkje minst, kortreiste karbonader frå Velledalen. Til dessert var det moltekrem, kromkaker og Strandabakelse. Og sjølsagt kaffe. Det skulle ikkje vere nødvendig å gå svolten frå dette møtet. Sjå bilder!

Ove: Besøk hos rotaryklubb i Spania.

På tampen ville Ove dele med oss si oppleving frå rotarymøte i Benalmedia/Torremolinos. Det gjekk føre seg på ein golfklubb, og Ove orienterte seg fram til denne klubben sin restaurant. Her fann han eit bord med rotaryvimpel. Det var dekt på til 6 personer. Kl. 14:30 dukk ein rotaryanar opp og Ove kom i prat med han. Etter kvart kom det fleire, og til slutt var 9 rundt bordet. Presidenten fortalte om vannrensings - prosjekt i Nepal og Spania. Det blei også utveksla vimplar, sjøl om Ove ikkje kunne kvittere med nokon frå vår klubb. Ikkje overraskende, var maten svært bra. Alt i alt eit triveleg møte.

Bomtur.

Neste møte var planlagt til Fungerola RK, men her gjorde Ove bomtur. Rotaryklubben hadde ikkje hatt møte ved det aktuelle hotellet på 8 til 9 år. Men aldri så gale at det ikkje er godt for noko: 14 km spasertur og 20 000 steg. Sjøl om Ove var litt harm like etterpå, tok ikkje bomturen frå han lysta til å besøke andre klubber.

Ove konkluderte at å vere rotarymedlem og besøke andre klubber, både innlands og utanlands,  gjer at ein kjem nærare inn på folk enn ein ellers ville ha gjort. Alle har som felles mål: «Service above self» eller på norsk: «Gagne andre». Dette gjer det heile svært meiningsfullt.

Bør vi ta opp igjen dugnad ved Haugneset?

Geir B fekk ordet, og minte klubben om at Haugneset Vel har fått støtte, både økonomisk og ved dugnader, tidligere. Kanskje kan det vere ein ide å ta dette opp igjen? Han minte om at det  ikkje er usannsynlig at mange av oss vil kunne ha nytte av områda rundt BUAS i framtida. Han sendte rundt eit foto som tydelig dokumenterte klubben sine dugnader i tidligere tider.

Tradisjonen tru avslutta vi med: «Deilig er jorden». President Petter minte om første møtet over nyttår, 8/1 -20 og ønska alle ei riktig God Jul.

 Referent

Jarle