Referat frå rotarymøte med Presidenten sin time 05.02.2020:

Rotaryven Øyvind Østvik heldt eit interessant "3- minutt" om gamle rutebåter og ferger. Desse er restaurert og blir halde i drift av eldsjeler. Presidenten orienterte om saker som hadde blitt tatt opp på styremøte i forkant. Det var også vinlotteri.

Etter styremøte ein time i forvegen, ønska president Petter alle vel møtt til rotarymøte og «Presidenten sin time» med vinlotteri.

Litt om dagen sin dato: Vi er i februar måned, og romarane knytta namnet «februar» til renselse.

Agate og Ågot har namnedag. Ordet kjem av «god».

To årstal: 1911: Tenoren Jussi Bjørling født denne dagen. Han blei ikkje så gamal, døydde i 1960, men har sett spor etter seg som ein av dei beste tenorane i historia.

1891: Hammerfest fekk elektrisk gatebelysning som første byen i Norge, og som ein av dei første i Europa.

Så avslutta Petter med ei lita historie: Det var ryddesjau i prestegarden og drengen rydda ei masse flasker i kjelleren. I det han lukta på dei sa presten at dei hadde avslutta livet sitt. «Ja, då håper eg at presten var oppstemt til det siste», svarte drengen.

Rotarysong:

Trubadur Olav hadde funne fram ei tysk vise frå middelalderen: «Din tanke er fri». Denne passer godt i rotarysamenhang. Flott sang og flott gitarspel attåt.

Sekretær kunne opplyse at ved rotarymøte 22. januar var det 27 frammøtte. Det gav pene 67,5 % frammøte. Ved bedriftsbesøk ved Sykkylven Stål var det 18 frammøtte og det gav 46,15 % frammøte.

Ingen bursdager komande veke, men Odd Jostein hadde sneke seg «under radaren» i dette høvet. Han fylte 54 år, 29. januar. Applaus!

"3- minutt":

«3- minutt» var ved Øyvind: Han fortalte at i sin alder er det ein tendens til å sjå meir attende enn framover. Slik også med han. Øyvind er opptatt av skipshistorie og korleis eldre ferjer og passasjerbåter blir tatt vare på. Han samanlikna Hordaland, der han er i frå, med Møre og Romsdal. I første fylket er 7 til 8 båter blitt restaurert og halde i drift, medan i vårt fylke er det kun eit skip. For å kunne drifte disse skipa er ein avhengig av offentlig støtte. Stat og fylkekommune gir økonomiske løyvinger til denne verdifulle maritime historia. Øyvind avslutta med å vise bilde av, ikkje mindre enn, 10 restaurerte motorskip, motorferjer og dampskip. Dei ulike bilda blei ledsaga av byggeår og året for avslutta drift. Veldig interessant foredrag frå vår verdfulle maritime historie.

Referent gir her oversikt over skipa og fergene Øyvind viste bilde av:

DS Stord

MS Granvin

MF Folgefonn

MS Sunnhordaland

MS Midthordaland

MF Hardingen sr

MF Skånevik

DS Stavenes

MS Atløy

MF Bilfergen

Orientering ved presidenten:

Etter rotarykaffe og tekaker, heldt presidenten ei orientering om styremøte og vedtak her. Som vi veit, reiser Olaf og Greta til Filippinene seinare i månaden. Då var det spørsmål om kor mykje penger ein skal ta med til Lola Day Care Center. Styret var ikkje «gnetne» og gjekk inn for 20000 kr, i tillegg til 10000 frå før og dei pengene som kvar enkelt rotarianar gir individuelt. Men etter «benkeforslag» om å heve summen til 30000, arrangerte presidenten avstemning. Det blei fleirtal for det siste beløpet. Dermed blir det 30000 kr + 10000 kr + det kvar medlem gir. Summen blir forhøya til næraste runde tal. Greta og Olaf tek sikte på å overrekke ein stor sjekk, både bokstavelig og i antall kroner. Dette vil skje ved elevane sin «graduation».

Rotarytur:

Dette året tek ein sikte på rotarytur i staden for årsfest. Planen er 26. april og går til indre deler av Sunnmøre etter det programmet Bastian la opp for eit par år sidan.

Medlemsverving:

Når  det gjeld medlemsverving, tek ein sikte på at kvar enkelt klubbmedlem kjem opp med eit forslag til ny medlem i klubben vår.

Vipps:

Til slutt heldt president Petter eit lite kurs i betaling med Vipps. Etter litt forvirring, hadde referent inntrykk av at dei fleste beherska dette.

I pausen hadde det vore vinlotteriet, og dei to flaskene med raud og kvit vin blei tildelt dei heldige vinnarane.

Som vanleg avslutta presidenten med å takke for møte, minne om neste møte med fotograf Per Magne Drotninghaug, og ønska alle vel heim.

Referent Jarle 

Publisert av Jarle Svindseth 6. februar 2020