Sykkylven Rotary Klubb
Place content here
Sykkylven Rotary Klubb
President Roger Kornberg yngste velkommen og minte oss om at i dag er det 1. haustdagen.
Etter Primstaven var dagen merka Kvernknarren
I sin oppsummering om hendingane på denne dag så nemde han mellom anna:
I 1985 vart vraket av «Titanic» funne på ca. 4000 m djup. Etter kollisjon med isfjell ved Newfoundland 15. april 1912. I 1939 angreip Tyskland polen og 2. verdskrig var i gong. I 1854 vart Noregs fyrste jernbane opna. Det varr hovudbana melom Oslo og Eidsvoll.
Namnedag: Solveig og Solvor.
Sekretæren
kunne fortelle at Kai Otto Roald fyller 70 år i dag.
Songen denne dagen var Vestland.
Ove Straumsheim tok opp tonen.
Bjørg Dyrkorn Velle hadde 3-minutt og tema var Sætra vår – Sætring
Det er i år 40 år sidan dei starta med arbeidet på fellessætra i Sunndalen. I Sunndalen har det vore sætring langt tilbake i tid. Det vitnar både funn og dei mange gamle namna i området om. Då bøndene på Aure starta dette arbeide var det fyrst og fremst for å få meir fritid, meir areal og for å få beitedyra vekk frå sentrum. Det er ikkje lett å kombinere beitande dyr med tettbygd strøk.
Bruken av sætrane gjekk i mange år nedover. Etter at sætring vart ein del av jordbruksavtalen har fleire valt å halde fram med sætringa. Det vert no arbeidd med å få sæterdrift inn på verdsarvlista til UNESCO. Sæterdrifta kan knytast mot kvinnekultur og mathandverk. Dette er det viktig å ta vare på.
Hovudtema i dag hadde Knut Henning Aursnes i Brødrene Aursnes AS.
Brødrene Aursnes AS er eigd av Knut Henning og Petter Andre Aursnes. Dei har pr. i dag 10 eigne tilsette og leiger inn om lag 8 årsverk. Dei har oppdrag både med nybygg, rehabilitering og dei har og elementproduksjon. Forhandlar Systemhus og Saltdalshytta. Budsjett i 2021 på 28,5 mill. Ordrereserve på om lag 31,5 mill.
Han prata om utfordringane i byggsektoren.
Dei to største utfordringane i dag er:
Mangel på arbeidskraft og
Auka materialpriser
Mangel på arbeidskraft er eit problem både lokalt og nasjonalt. Austeuropearane som vi har vorte så avhengige av kjem ikkje tilbake etter nedstenginga pga Covid 19. Dei har fått betre levevilkår heime både i Polen og i Litauen. Det er desse landa Aursnes har rekruttert arbeidarar frå. I tillegg så har krona vore svak mot EUR og det fører til at dei får mindre pengar når dei kjem heim og vekslar løna i sin valuta.
Vi har lite norske tømrarar fordi statusen og lønningane gjekk ned for nokre år sidan. Sjølv om lønningane no er høge og statusen har auka så er det framleis lite nordmenn som tek tømrer-utdanning.
Aursnes treng pr i dag seks tømrarar og dei må no seie frå seg oppdrag pga at dei ikkje har kapasitet.
Auka materialkostnad har stor betydning for dei som bygg no. Kostnaden for tre og stål har auka med om lag 50%. Det kjem stadig meldingar om prisauke frå leverandørar. Grunngjevinga er lavare produksjon pga Covid 19. I tillegg er det skogbrannar og billeangrep i Canada. Også fraktkostnadane har stege. Ein ser heller ikkje vekk frå at ein del av prisauken skuldast at enkelte nytter høve til å auke prisane når andre gjer det.
Det er kundane som til slutt set med rekninga. Så langt ser det ut som at folk tør bygge som før.
Ref: Petter Velle
22. desember 2016
Les om det tradisjonelle Julemøtet i Sykkylven Rotaryklubb.
1. november 2016
Les og sjå bilde frå Sykkylven Rotaryklubb sitt bedriftsbesøk 26. oktober 2016
23. oktober 2016
Sjå og les korleis SRK valgte å markere denne dagen.
22. oktober 2016
Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.
22. august 2016
Les om Daniel Pedroso som har kome den lange vegen frå Brasil til Sykkylven
2. august 2016
Les meir om den nye Verdenspresidenten på Nyhendesida vår.
7. juli 2016
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
