Sykkylven Rotary Klubb
Place content here
Sykkylven Rotary Klubb
President Roger helsa velkomen til Petter Harald Sætre og vår eigen Petter Velle, som vil fortelje og det nystarta firmaet deira NEO Sykkylven AS, og ellers til gjesten Jan Steinar Bolstad.
Ellers på denne datoen nemnte han fylgjande frå historia:
20. oktober 1814 gjekk Norge i union med Sverige, og den varte som kjent fram til 1905.
20. oktober 1973 vart eit kjent kulturbygg opna, nemleg Operahuset, hovudlandemerket i Sydney Australia – det var 11 år seinare enn planlagt, og ikkje nok med det, kostnadsoverskridinga var 14 gonger meir enn budsjettet !
Det var for øvrig den danske arkitekten Jørn Utzon som teikna dette bygget.
20.oktober i 1910 vart skipet RMS Olympic sjøsett – det var i drift i 25 år i transatlantisk skipsfart
Namnedag 20. oktober: Henrik, Henrikke og Heine
Fødselsdag 20. oktober 1939 har den første kvinnelege biskopen, Rosemarie Køhn.
Deretter fekk sekretær Kristin ordet, og ho kunne fortelje at frammøtet på forrige møtet 13. oktober var på 63, 8%
Bursdager i klubben i komande veke; Per Ringdal blir 74 år og Øyvind Østvik blir 79 år, begge den 16. oktober
Olav introduserte songen Gladsang og akkopagnerte som vanleg til den på gitar – vi song 3 vers av denne.
Dagens 3- minutt var ved Steinar Nordmo, og han var i det poetiske hjørnet - sa han var blitt inspirert av Henrik Straumsheim som var tema på 3- minutt-innlegget til Knut Vollstad, på det forrige Rotarymøtet. Han hadde laga ein historikk, på rim, av Pandemien;
PANDEMIEN
Den 12. mars i totusen og tjue
En dag vi husker med gru
Den dagen blei landet snudd heilt på hue
Vi visst ikkje ka vi sku tru
En pest som kom fra en by bort i Kina
Var nådd heilt til Norge i nord
Vi blei både redd og forfær og forbina
Og usikkerheita va stor
No stengte dem landet, vi måtte vær hjemme
Og ingen kunn reise på tur
Det blei også slutt med å hilse og klemme
Ikkje rart at så mange blei sur
Vi lurte jo på kor leng det sku vare
Var vel slutt ut på våren en gang
Men det viste seg snart at dette var bare
En start på en lengre farang
Og dagane gikk og uker blei måna
Og pesten den spredde seg fort
Og mange blei sjuk mens vårsnøen bråna
Og vi holdt oss i hver vår kohort
Om sommaren blei det litt lettare tider
For smitten den minka jo litt
Og vi håpa jo på at vi kanskje omsider
Fikk leve og puste litt fritt
Men høsten den kom med mørkare skya
Og landet blei stengt ned igjen
For smitten den auka i bygd og i bya
Den inntok hver einaste grend
Og vi blei jo eksperta på avstand og maske
Det lærte vi litt etter litt
Vi har også lært oss å rense og vaske
Og få bort all virus med sprit
Og vinteren kom med snøslaps og kulde
Man fikk lyst til å rase og grine
Det hadd ikkje blitt slik vi håpte det skulle
No må dem få til en vaksine
Og jula den kom og vaksinen var laga
No måtte vel all ting bli bra
Vi såg fram til vårsol og lysare daga
Vi følte oss lette og glad
Men igjen så gikk tida, vi syns det blei lenge
Før samfunnet kunn åpnes opp
No følte vi verkelig vi kunne trenge
Litt lette for sjel og for kropp
En ny sommer gikk, og så var vi der
At de sa at det verste er over
Eg vil ikkje framstå som skeptisk og sær
Men no håp er det blir slik de lover
At vi slepp det med meter og masker igjen
To ord vi neppe vil glemme
Og no kan vi møte hver eneste venn
For no kan man hilse og klemme
Steinar Nordmo
Hovudforedraget på dagens møte var frå det nystarta firmaet NEO Sykkylven AS, som er eigd av Petter Harald Sætre og Petter Velle, frå respektive Greip samdrift og Jogarden på Velle
NEO står for Nitrogen Enriched Organic Fertilizer. NEO Sykkylven AS har som mål å produsere gjødsel ved å behandle husdyrgjødsla slik at den blir meir effektiv - den vil doble nitrogeninnhaldet i gjødsla, og forsøk har vist at den gjennomsnittlege avlingsauken er 41% i forhold til ubehandla husdyrgjødsel.
Firmaet N2 Applied har nemleg funne ein metode for å auke nitrogeninnhaldet og stoppe metan- og ammoniakkutsleppet frå flytande husdyrgjødsel, og dei har no plassert ut ein pilot i Jogarden på Velle. Der skal dei behandle gjødsla frå Jogarden og frå Greip samdrift.
Dette er den einaste piloten i Norge, men firmaet har også pilotar plassert ut i andre land, og målet for firmaet til slutt er å få utstyret i kommersiell produksjon.
Petter Velle fekk ideen til dette på ein fagkonferanse på Giske for 2 år sidan, i regi av Bondelaget, der ein representant frå firmaet N2 Applied kom med ein «teaser» om dette temaet som vil kunne få stor nytte for landbruket framover. Han tok kontakt med dei i etterkant og viste si interesse for temaet.
I fjor deltok firmaet igjen på Giskekonferansen, der dei heldt eit foredrag om temaet, og i samband med dette besøket fekk dei til ein avtale om å plassere ut ein pilot i Sykkylven – for å teste ut utstyret og måle resultat.
Utstyret er plassert i ein container som står attmed fjøsen i Jogarden og det blir fjernstyrt av folka i firmaet N2 Applied.
Før gjødsla blir behandla, så går den gjennom ein seperator, der tørrstoffet i gjødsla blir skilt ifrå, og den flytande delen går gjennom ei foredling og blir til slutt NEO-gjødsel. Til dette trengs det energi i form av elektrisk kraft, og det kjøper ein frå kraftselskapet Velle Kraft AS, som Petter Velle er deleigar i. Økonomien i prosjektet er sjølvsagt avhengig av prisen på energi og her er det meininga å køyre anlegget når alternativ bruk av straumen er låg.
Den faste delen av gjødsla, tørrstoffet, inneheld mykje fosfor og kan brukast til jordforbetring, eller det blir så tørt, at den kan brukast til strø under dyra.
Det skal bli spennande å sjå korleis dette prosjektet utviklar seg !
Her er nokre av plansjane som vart vist i foredraget:
22. desember 2016
Les om det tradisjonelle Julemøtet i Sykkylven Rotaryklubb.
1. november 2016
Les og sjå bilde frå Sykkylven Rotaryklubb sitt bedriftsbesøk 26. oktober 2016
23. oktober 2016
Sjå og les korleis SRK valgte å markere denne dagen.
22. oktober 2016
Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.
22. august 2016
Les om Daniel Pedroso som har kome den lange vegen frå Brasil til Sykkylven
2. august 2016
Les meir om den nye Verdenspresidenten på Nyhendesida vår.
7. juli 2016
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
