Nyhetsdetaljer

Rydding i kirkeparken

Dugnad i Kyrkjeparken

Eit sikkert vårteikn: sist onsdag var Sykkylven Rotary Klubb på plass og pussa opp Kyrkjeparken etter vinteren, til hugnad for dei mange som finn glede i området. «Kom mai, du skjønne, milde…» Mai er månaden som alle gleder seg til: konfirmantar, musikantar, unge, aldrande og eldre. Å leike, rusle rundt, eller berre sitje på ein benk og trekke inn lufta av vår. Kanskje nyte synet av det norske flagget i flaggstanga; «Det er Norge i rødt, hvitt og blått!»
Graving, klipping og raking, – vekk med ugras, kvister, plast, boksar og anna rusk og rask som skjer i augene. Konseptet er stort sett det same, frå år til år: Sykkylven kommune stiller traktor med romsleg tilhengar til rådvelde: takk, Jan Kåre Oterhals og Tekniske tenester! Dei fleste medlemmene i klubben har hage sjølve, og såleis bra greie på kva som skal til. Dei kan også å behandle ei motorsag, om det skulle vere nødvendig. Stemninga er vanleg munter, og særleg når kaffikoppen og ein velsmakande matbit kjem på park-bordet omtrent halvvegs i dugnaden, går drøset livleg. I år var det kjøleg i lufta med sludd på markene nokre dagar i førevegen, men så kom varmare luft sigande frå sør og skapte perfekte tilhøve for innsats: solskin, fryd og gaman i parken. Perfekt timing! Rotary-president Kristin Grebstad og dugnads-ansvarleg Svein Erik Kampenes strekar begge under kor viktig ei slik oppgåve er for medlemmene: gjennom samhald og felles innsats oppfyller dei Rotary sitt overordna mål «Service above self». Dessutan er det viktig for oss alle som brukar området ved Kyrkjeparken!

Bilete, frå venstre: Steven, dugnadsleiar Svein Erik, Roger, Geir (bak), Knut Jarle, president Kristin Grebstad, Hallstein, Bjørg, Øyvind, Ilyas, Bastian, Knut Martin, Sindre, Olaf, Arild (på huk), Rolf, Odd Jostein, Odd. Bak kamera: Olav Pileberg

Fleire bilete for Nyss nettside: