Referat frå Rotarymøte hos Torunn Kjemphol ved Galleri 2 K 15.03.2017:

Denne gangen hadde rotarianarane i SRK tatt turen til Galleri 2K i Tusvika. Dette ligg svært idyllisk til ved sjøen. Torunn Kjemphol eig bygningene og det nemnte lokalet. Ho og  sonen Lars Tore bruker dette til kunstutstillinger. Dei 2 K,ene står for Kjemphol, mor og son.

Torunn innleia med å fortelle at ho kjem frå eit industristed som heiter Tyssedal. Her bur det 1000 innbyggere. Ho er utdanna sjukepleier. Då Torunn kom til Sunnmøre, fann ho sin framtidige ektemann, Lars. Dei har 2 barn saman, ei jente og ein gut.  Sonen Lars Tore er utøvende kunstner og bur i Oslo. Saman med ektemannen, Lars fekk ho ein stor eigedom ved Tusvik kai i «medgift». Her har det vore fergekai, butikk, post og gardsdrift sidan 1880- åra. Det var svigerfar til Torunn, som også heitte Lars, som var primus motor for drifta. Sonen, Lars var derimot ikkje så interessert i drifta, og i staden utdanna han seg til jurist.  

Då ektemann, Lars gjekk bort for nokre år sidan, tok Torunn over eigedom og bygninger. Det huset som utstillingslokala er i, blei oppgradert til dattera sitt bryllaup. Bl.a. hjalp rotarianer Ove til med nye vindu, og fleire andre rotarymedlemer tok del i dugnaden med bygget og lokala. Resultatet er blitt eit flott utstillingslokale for kunst. Men bruken begrenser seg ikkje berre til dette. Her er også filmklubb med 30 medlemmer, og ein malerklubb som har samling her 2 g. i månaden.

Etter denne innleiande presentasjonen, viste Torunn oss ein film som tantebarnet Andreas Sundby hadde laga med mor til Torunn i hovedrollen. Kortfilmen heiter «På besøk hos Alma Løyning». Den viste mor Alma i ulike aktiviteter: «Fikse velferdsteknikk ved å kontakte sakkyndige over telefon. Legebesøk og besøk på kafe». Referent må få lov å bemerke at Torunn ikkje er ulik mor si. Ein sjarmerende film om ein sjarmerende 90 – år gamal dame.

Torunn hadde baka ei aldeles fenomenal god kake som vi fekk forsyne oss av. Saman med kaffien smakte dette aldeles fortreffelig.

Torunn hadde også innleiingsvis lova oss ei utfordring. Ho åpenbarte at dette skulle bestå i at rotarianarane i SRK skulle yte sitt bidrag til eit maleri. Kvar og ein skulle yte kvar sin klatt med farger, og til saman skulle dette bli malerikunst frå Rotary. Alle som ville fekk prøve seg, men referent må innrømme at han sneik seg unna med fotografering som påskot.

Kunstverket blei slett ikkje verst til slutt. Om det blir antatt på haustutstillinga, kan vel ikkje referent garantere, men flott synes vi det var.

Til slutt tok president Steven ordet og takka hjertelig for at vi fikk komme på besøk. Referent synes vi hadde det veldig koselig og stemninga var lødig.    Stor takk til Torunn som hadde lagt til rette for det flotte besøket.

Referent Jarle Svindseth

Publisert av Jarle Svindseth 17. mars 2017