Referat frå Rotarymøte 25.05.2018:

President Bastian ønska vel møtt og spesielt til kvelden sine to gjester: Roald Mork og kvelden sin foredragshaldar, Svein Even Blakstad:

Først litt oppdatering om noko av det som har hendt denne datoen opp igjennom historia:

1840: Den russiske komponisten Pjotr Tsjaikovskij født.

1917: Den amerikanske jazzsangerinna, Ella Fitzgerald født.

1940: Den amerikanske skuespiller, Al Pacino Født.

1974: Organisasjonen «Fremtiden i våre hender» stifta.

Trubadur Olav såg berre ein mulighet for Rotarysong siden det nærma seg mai: «Kom mai du skjønne milde». Melodi av sjølvaste Mozart.

Sekretær forkynte at det er  Olav E. og Jan F. sin tur til BUAS – besøk. Frammøte forrige gang var 26 som gav habile 70 % frammøte.

Steinar  Klokk heldt 3 minutt om Godleiksveka. Ei gjeng idealister i Kyrkja tromma sammen 60 til 70 organisasjoner her i Sykkylven. Det blei danna ei styringsgruppe som skulle finne ut kva ein kunne glede folk med i staden for å krangle med kvarandre.

Som eksempel på dette hadde ein gjeng delt ut kaffe og boller i ferjekøa. Noko som blei  svært godt tatt i mot.

Ei oppfølging er planlagt neste år med dagskonferanse. Sykkylven, opplyste Steinar er den første kommunen i landet som har med seg heile organisasjonslivet i kommunen.

Etter rotarykaffi var det Svein Even Blakstad sin tur for foredrag om bedrifta Griff Aviation. Dei held til i lokaler ved Vikøyra, og er litt av ei grunderbedrift. Dei utvikler og produserer droner med stor løftekapasitet, noko som er meint å erstatte helikopter.

Prototypen er Griff 135 som løfter lett 30 kg og med ein totalvekt på opptil 135 kg.

Svein Even understreka at det er viktig at dronen er lett handterbar. Den skal ikkje vere større enn at ein skal kunne frakte den i bil, og den skal kunne monteres og gjøres klar til bruk på eit minutt. Den skal vere logisk og intuitiv å bruke.

Det skal ikkje omsettes droner til våpenformål.

Områder der ein tenker seg dronen brukt er militært (?) – jordbruk – energi (vindmøller) – maritimt område.

Korleis er så markedsutsiktene? Dei burde vere gode, etter Svein Even si meining. Så vidt referent forstår, kan vel tilgangen på nok kapital vere ei begrensning.

 GRIFF Aviation er ei virkelige kunnskapsbedrift her i Sykkylven som er verdensledende innen sitt felt.

Sykkylven Rotary ønsker dei all mulig hell og lykke !

Det formidla også president Bastian og takka av med den sedvanlige flott innpakka osten.

Så minte han om neste «møte» som er dugnad i Kyrkeparken. Vi møtes kl 18:00.

Referent

 Jarle Svindseth

Publisert av Jarle Svindseth 27. april 2018