Referat frå besøk ved den nye Brannstasjonen i Sykkylven 16. august 2017:

Sykkylven Rotaryklubb hadde denne gang vore så heldig å få besøke den nye Brannstasjonen på Dåsemyra. Vi blei tatt vel i mot med både kaffi og kaker. Når vi vel hadde forsynt oss, begynte brannsjef Oddmund Grebstad på ei lita orientering om den generelle organisering av brannvernet i Sykkylven. Deretter gjekk han i gjennom historikken til bygginga av den nye stasjonen.

Referent vil ikkje gå i detalj om alt dette, men berre ta for seg det han oppfatter som mest vesentleg.

Sykkylven brann- og redningskorps er organisert med ein brannsjef på topp, som er Oddmund Grebstad. Under han er det «Leier for beredskap»: Gjermund Eidem. Sidestilt med «Leier beredskap» er «Leier forebyggende». Denne stillinga er imidlertid vakant og det er feier Kjetil Hanssen som er den næraste til å fungere i denne stillinga.

Videre er brannkorpset organisert under Brannsjef  og «Leier beredskap» med 4 vaktlag a 5 mann. Det er også satt opp eit reservevaktlag med 8 mann.

Ansvar og oppgåver er naturleg nok å vere:

-          Innsatsstyrke ved brann.

-          Kan også yte innsats ved brann og ulykker til sjøs.

-          Skal kunne ta seg av handtering av farlig stoff og transport av dette.

-          Skulle det skje alvorlige ulykker, f.eks. i trafikken, må brannvesenet stille opp.

-          Feiing og tilsyn med fyringsanlegg er ei viktig oppgåve.

-          Til sist, men ikkje minst er det informasjons- og motivasjonstiltak mot publikum.    

Når det gjeld det siste er eldre og pleietrengende, innvandrere og flykninger, personer med nedsatt funksjonsevne, barn og unge og andre grupper (rus, psykiatri osv.) ei viktig målgruppe. Og naturlig nok må ikkje befolkninga elles gløymes.

Del 2 av orienteringa var om sjølve brannstasjonen:

Tomtearealet er på 2200 m2. Og sjølve bygget er ganske stort: 1. etasje med 500 m2 og 2. med 255 m2.

Vi som har levd ei stund, veit at brannvesenet har hatt temmelig kummerlige kår ved Kommunehuset. Referent synes å huske at det i alle år har vore drøfta å få bygd ein ny brannstasjon, men at det berre er blitt «med pratet». Økonomien har ikkje tillat dette. Først i 2013 blei det satt av eiga tomt. Forprosjekt med kostnadsoverslag kom i mai 2015. Entreprenører blei valgt i nov. 2015 og byggestart i 2016. I 2017 stod bygget ferdig, og endelig kunne mannskap og brannbiler flytte inn. Det må sjølsagt nemnast at arkitekt og rotary-ven Odd Holen har teikna og planlagt bygget.

Kostnaden for det heile kom på 20 mill. kroner.

Til sist presenterte Oddmund ein interessant statistikk over utrykninger i 2012:

-          Det var 4 bygningsbranner eller tilløp til bygningsbranner.

-          3 anna brann (ferje, bål, bossbøtte)

-          4 pipebranner.

-          2 bilbrann

-          8 trafikkuhell.

-          1 vasskade.

Så var det 40 «unødige» alarmer, men så vidt referent forstår, er unødig kanskje ikkje heilt dekkende for dette. Ein del av disse var, så vidt eg forstår, handlinger før ein ordentlig brann eller ulykke utvikla seg.

Etter Oddmund sitt interessante foredrag, viste han oss rundt i det flotte bygget. Og dersom det var liten plass i den gamle brannstasjonene, var det i alle fall rikelig med plass her. Av brannbiler, er det ein bil med tank frå 1991. Denne har drift berre på framhjula, og derfor kan det vere tøft å ta seg fram på glatta om vinteren. Videre ein moderne brannbil som er 10 år gammel, men som ser heilt ny ut. Elles redningsbil og ein kommandobil. Brannvernethar også ein hurtiggående gummibåt, dersom det skulle vere aktuelt med assistanse på sjøen. 

President Bastian takka Oddmund for foredrag og omvisning, og som ein liten gest fekk han overrakt ei eske konfekt som han og mannskapet kan ta til kaffien i påvente av evt. utrykninger.

Så minte Bastian om neste møte 23. august. Då vil vi få besøk av Speiderene som vil fortelje om turen dei hadde til Bodø.

Referent

Jarle Svindseth

Publisert av Jarle Svindseth 5. september 2017