Referat frå Rotarymøte 27.09.2017:

President Bastian ønska vel møtt til dette Rotarymøte 27. september. Spesielt til kvelden sin foredragshaldar, Vibeke Aanning Aarseth. Ho er den nye  direktøren ved Formfin Møbler her i Sykkylven. I samband med dette, vil ho halde sitt foredrag.

Først nevnte presidenten opp noko av det som har hendt denne datoen:

 Dagmar og Dagrun har namnedag.

I 1624 gav Kristian 4. navn til Kristiania, noverande Oslo.

1825 blei den første jernbanestrekning i verda opna i Storbritannia. Ruta gjekk mellom Stockton og Darlington.

1959: 5000 mennesker omkom i uvær i Japan.

1982: Skandinavias første prøverørsbarn kom til verda i Gøteborg.

27. september er Verda sin Turismedag.

Endelig hadde vi fått tilbake vår sårt sakna trubadur Olav. For å kompensere for sitt fråver hadde han funne fram til: «Gladsang». Med Olav sitt gitarspel, og til tonen av «Høyt over fjellet», lydde det riktig flott og til å bli glad av.

Sekretær Knut Henning kunne rapportere at det var ingen som hadde bursdag kommende veke. Forrige møte var det 18 frammøtte. Dette gav likevel habile 53 % frammøte, pga. mange permisjoner.

President Bastian heldt  3 minutt: Han fortalte at Guvenørbesøket 11. oktober er flytta til Verkstaden Bistro. Opprinnelig var det tenkt at Berlihuset skulle vere lokal for arrangementet.

Styret i Sykkylven Rotary møter Guvenøren kl. 17. Stranda møter kl 18, og fellesmøte blir kl 19:00.  Bastian oppfordrer så mange som råd til å melde seg på.

Siden vi hadde Vibeke som gjest, heldt Bastian ei lita orientering om Rotary.

Visepresident Greta opplyste at treffet på Fagrefjellet i samband med Verdas Poliodag er flytta frå 22. oktober til 29. oktober.

Så var det Rotarykaffi med farlig gode kaker.

Etter kaffen var vi spente på kva Vibeke Aanning Aarseth hadde å berette: Ho er no direktør ved Formfin Møbler her i Sykkylven. Ho fortalte at dersom ho språka litt, så kom dette av at ho har budd i Oslo i 30 år, men er frå Vartdal, og bur der no.

Ho er utdanna fysioterapeut frå Vest Berlin i 1985 – 1988. Har videreutdanning frå Norges Handelshøgskule  i administrasjon og hovedfag i pedagogikk. Har to mastergrader i Management  frå BI Business School i Oslo.

Har fleire styreverv i NHO, Møbelkraft og Furenata i Vartdal

Frå 1. januar 2017 blei ho ansatt som direktør for Formfin Møbler AS i Hundeidvik. Møbelfabrikken fylte 70 år i fjor og har ca. 60 ansatte. Dei produserer kvalitetsmøbler mest for heimemarkedet. Dei set si ære i å bruke lokale råvarer i produksjonen.

Formfin har i 40 år hatt tett partnerskap med fleire møbelkjeder som Bohus, Møbelringen og Hageland.   Så vidt referent forstår,, synes Vibeke at partenerskapet har vore konstruktivt og til nytte for begge parter.

Det å ta over ei bedrift etter eit generasjonsskifte, slik som med Formfin, meinte ho hadde sine utfordringer, og er ikkje alltid like enkelt. Over mange år har det utvikla seg ein kultur både mellom ledelse og mellom ansatte, som det ikkje er like lett å bryte. Fornying av denne kulturen, er ein av hennar oppgåver, slik referent forstår Vibeke.

 Eit prosjekt som Vibeke er spent på om vil lykkast, er Villa Utemøbler. Dette er eit pilotprosjekt der ein produserer kvalitetsmøbler for utebruk. Ein håper å nå ei nisje her. Også her er det samarbeid med lokale partnere.

Sidan dette på mange måter er pionerarbeid, får Formfin støtte frå Innovasjon Norge, SNU og Skattefunn.

Men sjølsagt er Formfin mest kjent for sine kvalitetsmøbler, både sofaer og stoler. Her kan nevnes modeller som Basic, Home Basic, Time, Venus og mange fleire.

I tida framover er største utfordringa for Formfin, slik Vibeke ser det, ein omstillingsprosess der produksjonen blir delautomatisert i enda større grad enn i dag. Ein må også vere på hugget når det gjeld produktutvikling, og sjølsagt er markedsføring svært viktig. Her har ein som nevnt godt samarbeid med kjedene Bohus, Møbelringen og Hageland.

Vi takker Vibeke for eit flott innslag og ønsker ho og Formfin Møbler all mulig hell og lykke i tida framover. Det som er heilt sikkert, er at det blir store utfordringer i ei tøff bransje.

President Bastian takka så Vibeke så mykje, og som ein liten gest, blei ho overrakt ei konfekteske.

Så minte han videre om neste møte onsdag 4. oktober, som er Presidenten sin time med vinlotteri, og ønska så alle vel heim.

Referent

Jarle Svindseth

Publisert av Jarle Svindseth 29. september 2017