Referat frå Rotarymøte 20.02.2019:

Denne kvelden var det visepresident Petter som leia møtet. Han starta med å ønske alle vel møtt, og spesielt kvelden sine gjestar og foredragshaldarar, Arnt Tore Røe og Andreas Hjellegjerde.

Som vanlig litt om dagen sin dato: Haldis og Haldor har namnedag. I 1904 blei tidligere statsminister i Sovjet, Aleksej Kosygin født. Den norske teologen og politiker, Inge Lønning født i 1938. I 1471 blei Orkenøyane overført frå Norge til Skottland. Under 2. verdskrigen, i 1942, gjorde lærarane opprør mot at skulen skulle nazifiserast. Mange lærarar blei avsatt og arrestert. Fortsatt under krigen: I 1944 blei ferja «Hydro» senka på Tinnsjøen og 18 menneske omkom. Til slutt til noko hyggeligare og ganske relevant i våre dager: I 1997 blei Ski VM opna i Trondheim.

Trubadur Olav hadde som vanlig funne ein aktuell rotarysang: «Sov du vesle spire». Men med dei siste dagers mildver er det vel berre eit tidsspørsmål før desse vakner.

Både Kristin Grebstad og Knut Vollstad hadde nettopp fylt rundt år, og nytta høvet til å takke for blomsterbukett frå klubben.

Sekretær Knut Henning kunne opplyse at det ved forrige møte var 29 frammøtte, og det gav småpene 67 % frammøte. Olav P og Karl står for tur til BUAS-besøk. Utført den 26.02.

3 minutt var ved Kjell Heggdal: Han kalte dette for «Kjell sin Jordfabrikk». Han nytter eit komposteringssystem som blir kalt Bokashi. Dette er eit japansk system. Kort fortalt, har Kjell ein tett boks under kjøkkenbenken som han fyller avfall i. Når denne er full, overfører han innhaldet til ein dunk i vaskerommet. Setter til strø med mikroorganismer. Etter 14 dager kan han tappe ei flaske med veske. Dette er kraftige saker som til våren kan blandas ut i forholdet 1 dl. til 10 liter vatn. Er ypperlig til grønsaker. Resten legg Kjell opp i ein pallekarm. Etter 6 veker kan dette gravast ned og blir ypperlig jord. Kjell får ta kontakt dersom dette referatet ikkje stemmer.

Så var det rotarykaffe med saftige gode kaker.

Orientering om restauranten RAUS ved Andreas Hjellegjerde og Arnt Tore Røe:

Saman med ektefellene Lene og Anita, og Øystein Uri, har Arnt Tore og Andreas opna restauraten, RAUS. Dei fortalte innleingsvis at dei hadde mange idear til å starte opp ei eller anna form for verdsamd, men Knut Henning satte dei på ideen å opne ein restaurant. Dette synes dei var eit ypperlig forslag, og etter ei tid vart restauranten RAUS starta opp. Allereie i byrjinga hadde dei fyljande konsept:

-         God mat og god stemning.

-         Brei meny.

-         Alltid open.

-         Plass der alle trivdes.

-         «Comfort food».

-         Lokale råvarer.

-         Og til sist, men ikkje minst, spele på vår flotte natur og Sunnmørsalpane.

Matias Hovet blei kontakta angåande farge og identitet. Ein forsøkte å få tak i gode kokker og servitører. No er det ansatt 17 herlige medarbeidarar. Dette gir til saman 6,5 årsverk.

Drifta har gått over all forventning. Grov rekna har omsetninga vore 3- dobbelt mot det som opprinnelig var kalkulert. «Fun facts» viser at sidan oppstart er det servert:

-         11.725 middager/lunsj.

-         3.289 desserter.

-         3.121 alpeburgere.

Det er sjølsagt viktig å vere synlig og markedsføre seg. Derfor fortel Arnt og Andreas at dei vil halde på ein tydelig profil rundt konseptet for restauranten. Det er viktig å markere seg i media og sosiale plattformer, gjerne med film og bilder.

Dei kan tenke seg fleire forskjellige arrangementer, f.eks. ølkvelder. Elles å jobbe for at restauranten blir ein naturleg stoppestad, gjerne kopla opp mot Sunnmørsalpane Hytteutleige.

I det heile tatt er det mange muligheter for denne velkomne restauranten i Sykkylven.

Mange spørsmål etter orienteringa: M.a. om det blei auka konkurranse for andre matserveringsverksemder, f.eks. Berlihuset. Men  Andreas kunne fortelle at det er samarbeid til felles beste. Faktisk har Berlihuset også auka omsetninga etter RAUS si opning.

Velfortjent gest (oster) til dei to visjonære karane.

Visepresident Petter takka for kvelden sitt møte og minte om neste møte 6. mars som er «Presidenten sin time».

 Referent

Jarle Svindseth

Publisert av Jarle Svindseth 27. februar 2019