Rotarymøte 12.02.2020: Per Magne Drotninghaug:

Referat frå rotarymøte 12.02.2020:

Rotaryven Kjell Heggdal heldt eit tankevekkende innlegg om medisinen insulin som ikkje er så lett tilgjengelig som den burde. Per Magne Drotninghaug, svært habil hobbyfotograf, viste bilder frå fjellturer og av nordlys. Desse bilda var så flotte at dei kunne ta pusten frå oss.

President Petter ønska alle vel møtt, og spesielt den langveisfarende gjesten, Brigitte Hofer frå Sveits. Dessutan, hobbyfotograf Per Magne Drotninghaug. Applaus!

Så litt om dagens dato: Randi, Ronja og Randulf har namnedag.

To bursdager og årstal: Maler Henrik Sørensen født 1882. Han har dekorert i Oslo Rådhus. Og i 1938 blei forfatter Tor Obrestad født. Han døydde nyleg, 25. januar i år.

Så ei kuriøs sak frå Aftenposten i 1909: Oscar Mathiesen hadde vunne EM på skeiser i Budapest, og premien var  ein stor sølvpokal som vog heile 10 kg. Denne blei liggende i Tollboden i Oslo fordi Oscar ikkje hadde råd til å betale tollen. Summen var heile 150 kr. Men skeisevener visste råd: Dei vendte seg til departementet for bl.a. toll og forklarte situasjonen. Nokre dager etterpå kunne skeiselauparen hente pokalen tollfritt.

Ord for dagen: «Fred kan ikkje sikres med våpen, det må mennesker gjere». Sitatet er av John F. Kennedy.

I sekretær sitt fråver, forkynte presidenten at ved forrige møte var 24 frammøtte som ga 55,8 %. Bursdager: Ein rund dag: Rotaryven Olav Utgård fyller 70 år, 13. feb. Gratulerer ! Vår proffe kasserer, John Henrik fyller 48 år, 16. februar.  For BUAS-besøk er det Rolf og Odd som står for tur.

Rotaryven Kjell H. heldt kvelden sitt 3- minutt: Temaet for innlegget var alvorleg: Nemlig diabetes (sukkersjuke) og medisinen insulin som diabetikere er avhengig av. Ved diabetes 1 er pasienten heilt avhengig av denne. Enkelte med diabetes 2 må også bruke den, men ofte kan den haldast i sjakk med adekvat kosthald. Det er ingen sjølfølge at alle i verda har tilgang til insulin. I USA har det vore ei voldsom prisstigning frå 20 dollar pr. ampulle til 285 dollar. I følge Kjell koster, det kun 5 dollar å framstille dette. Med ein så voldsom kostnad er det begrensa kven som har økonomi til å kjøpe medisinen.

I Mosambique, i Afrika, har eit barn som blir født med diabetes 1 liten sjanse til å leve opp pga. medisinmangel. Dette er eit stort paradoks,  teke omsyn til at i år 2022 er 100 år sidan første pasient blei behandla med insulin.

Tankevekkende og litt dystert 3- minutt av Kjell. Han minte oss på kor heldige vi er her i landet som får tilgang på medisin utan å bli økonomisk ruinert.

Orientering frå presidenten: Som vi veit, er det eigerskifte av lokala vi held til . Coop tek over bygget når Sparebanken flytter til Hjørnegården. President og Past President er i dialog med dei nye eigarane om evt. å fortsette med dagen si ordning. Sjøl om det kanskje er utsikt til ei god løysing på dette, blei det beslutta å gjere ein rydde-dugnad. Alt som er laust i lokala eig SRK, medan det som er fast tilhøyrer banken. Stoler og bord tilhøyrer sjølsagt  banken. 2 timer før ordinært møte var trubadur Olav og presidenten tilstades for å systematisere og rydde vekk/kaste ting som vi ikkje har bruk for i framtida. Til å assistere seg hadde Olav og Petter fått med seg to kraftige bodybuildere.

Fotoframvisning av Per Magne Drotninghaug (bilde under):

Etter rotarykaffe, med kjempegode sveler, fekk Per Magne Drotninghaug ordet og bildet. Han er ein ivrig hobbyfotograf og har spesialisert seg på natur- og fjellbilde. Dessuten har han teke mange fenomenale bilder av nordlyset. Den bildeserien Per Magne viste kunne ta heilt pusten frå oss. Eine fotoet flottere og meir spektakulært enn det andre. Særleg har han tatt mykje bilder frå Velledalsfjella; det er knapt ein topp han ikkje har vore på. Vi som bur i Sykkylven og Sunnmøre er vel ikkje spesielt glad i tåke, men dette fortel Per Magne er heilt ypperlig foto-vær.  Bilda får meir liv og blir nærast «trollske». Det heiter at «over skyene er himmelen alltid blå». Med sine foto kunne Per Magne dokumentere at «over tåka er himmelen alltid blå». Eit bilde referent husker spesielt er der tåka ligg som ein dyne over bygda, medan Gimsdalstiden, Hammersettindane og Urfjellet stikk opp og ligg bada i sol. Sjå bildet under:

NB! Klikk på lenken Per Magne Drotninghaug: Her er masse fenomenale fjellbilder:

Bilder: Er teke frå internett, og eg synes dette er bilder som er typisk for Per Magne sin fotokunst:

Per Magne tek mange bilder i soloppgang og/eller solnedgang,  gjerne med skodde rundt i landskapet. Han vil ha med mennesker på bilda, gjerne på litt avstand. Dette gjer at bilda får ein ekstra dimensjon over seg.

Til sist, men ikkje minst, må referent få lov til å nemne dei fenomenale nordlysbilda med Velledalsfjella som ei ramme for bilda.

Bilder: Fenomenale nordlysbilder frå Per Magne Drotninghaug:

At fotokunsten er digitalisert, skal kanskje Per Magne vere glad for. Han fortalte at han tok 4000 bilder berre på ein fjelltur. Totalt, opplyste han, å ha teke over 400 000 foto.

Under spørsmålsrunden etterpå, blei det foreslått at han kunne dekorere enkelte triste grå betongvegger rundt omkring i bygda med enkelte av sine fenomenale fotografier. Noko han ikkje var heilt framand for.

Som allereie nemnt, tidlegare i referatet, var dette ei fenomenal fotoframvisning. Aldri har referent fått vore med på så mange fjellturer med så lite bruk av fysiske krefter. Velfortjent gest og flaske vin til Per Magne.

Bilde: Velfortjent gest frå president Petter:

Så minte presidenten om at det er vinterferiefri neste onsdag og at vi uansett korleis det går, må vi finne eit anna lokale til møtet den 26. februar.

Så takka han for møtet og ønska alle god vinterferie og vel heim.

Referent Jarle

22. desember 2016

Julemøte i Sykkylven Rotaryklubb 21.des. 2016.

Les om det tradisjonelle Julemøtet i Sykkylven Rotaryklubb.

1. november 2016

Lars P. Riksheim Treindustrier

Les og sjå bilde frå Sykkylven Rotaryklubb sitt bedriftsbesøk 26. oktober 2016

23. oktober 2016

Verda sin poliodag 24. oktober

Sjå og les korleis SRK valgte å markere denne dagen.

22. oktober 2016

Guvernørbesøk og to nye medlemmer i SRK

Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.

22. august 2016

Utvekslingsstudent frå Brasil til Sykkylven

Les om Daniel Pedroso som har kome den lange vegen frå Brasil til Sykkylven

2. august 2016

Verdenspresidenten i Rotary 2016/2017: John F. Germ

Les meir om den nye Verdenspresidenten på Nyhendesida vår.

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.

4. juli 2016

Rico Bil AS: Blomstrande bedrift med bil i fokus!

Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.

27. juni 2016

Bedriftsbesøk til Nyborg AS

Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.

28. mai 2016

Gardsbesøk

Gardsbesøk 25. mai hosBastian