Rotarymøte 17.06.2020 – ved Fetstranda:

Då vermeldingane hadde vore fine i lang tid, bestemte Bastian og president Petter å ha møte i det fri. Kva er då finare enn Lisjesanden ved Fetstranda?

Ikkje noko stort frammøte, men det fine veret spelte kanskje inn.

President Petter ønska alle vel møtt, og spesielt dei to innbedne gjestane, Liv Fauske og Jens Olsen. Begge to representanter for LHL- Sykkylven.

Sidan vi er i Henrik Straumsheim sitt rike, passa det fint med bygdasongen: «Eg veit ei bygd der inne».

Trubadur Olav var i storform, og fortalte at han hadde vore innom P 1 pluss for intervjuv. Dette etter å ha svart korrekt på nokre spørsmål. Olav fekk avslutningsvis lov å framføre Jacob Sande sitt humoristiske dikt: «Barken på Stadt». Forhistoria er at i 15. mars 1967 var Olav på besøk hos ein kompis. Ut på natta, i 2- tida fekk Olav inspirasjon til å framføre dette diktet. Lite visste han at Jacob Sande døde same natta. Olav rekner med at det ikkje var dårleg framføring  som var dødsårsaka. 

Etter matykt fekk Liv og Jens ordet: Dei fortalte litt om korleis fasilitetene ved Litjevatnet hadde blitt til. Saman med Jens og LHL fikk Ole Høydal ideen om ein rasteplass ved Litjevatnet. Då med gapahuk og brygge. Finansiering blei søkt hos Ekstrastiftelsen (300 000 kr) og Sparebanken (15000 kr). Tilsaman kosta rasteplassen og oppgrading av vegen, i alt 400 000 kr.

4. juni 2016 var det høgtideleg opning med ordfører. Han kom roande, og med Per Svein Tandstad som spelte tussefløyte.

Seinare blei det samla inn penger til skilting av turveg og fasiliteter. I tillegg også skilt med dikt av lokale poeter.

Liv supplerte orienteringa til Jens med utfyllende info.

Flott orientering om turområde referent kjente lite til på førehand.

Velfortjent gest til begge to med kortreist spekepølse frå Velledalen.

I den fine kvelden, stod det igjen for president Petter å takke for frammøte. Han minte om siste møte dette rotaryåret med presidentskifte. Så ein fin spasertur tilbake til bilene på Slettegjerdet.

Referent

Jarle