Møtereferat med Hole Maskin

Rotarymøte onsdag 28. september 2022

Presidenten

yngste velkomen til medlemane og dagens gjest Ståle Anker Ljøen frå Hole Maskiner AS

Presidenten hadde som vanleg ein fyldig gjennomgang av historiske hendinger på denne dag

Allsong

Olav hadde funne fram «Dei gamle Fjell» (Ivar Åsen) til dagens møte. Olav meinte at denne songen passa godt i dag då vi venta på å få høyre meir frå Hole Maskiner as.

Sekretæren

kunne opplyse oss om at frammøte sist var på 41%

3-minutt

Greta Herje hadde 3-minutt, og kunne fortelje at ho siste tida hadde hatt mange store opplevingar. Mandag var ho tilstades i Nordens Hus i Oslo der Dronning Sonja delte ut Nordens språkpris til Dronning Margrethe. Den fekk ho for si støtte til bruken av dei nordiske språka.
Men hovuddelen av innlegget handla om Rotary. Fleire frå klubben hadde vore på Distriktssamling på Gjøvik og Greta minte oss om kor viktig det er å ha positiv fokus i alt vårt Rotary-arbeid. Det er viktig å få nye medlemar, men det er like viktig å sjå verdien av alle medlemane i ein klubb. Dei unge og dei eldre i klubben er samla ein stor resurs og eit godt utgangspunkt for å bygge klubben vidare.
Vi må vere frimodige og fortelje andre om kor bra det er å vere Rotary-medlem

Ståle Anker Ljøen – Hole Maskiner AS

Han tok til som dagleg leiar 1. januar i år.  Tidlegare har han jobba innan fiskeoppdrett og som økonomisjef i Stranda Kommune:
Ståle er frå Averøya og har familieband til Ljøen
Hole Maskiner AS har i dag 38 fast tilsette. I tillegg leigar dei inn personell og maskiner frå andre firma så totalt utgjer det omlag 45 årsverk.  Budsjettet for 2022 er på 90 mill.
Styret i selskapet er Ole Petter Solnørdal (styreleiar) Sindre Stennes og Norman Hole.  Norman Hole eig 100% av selskapet.
70% av oppdraga kjem frå offentleg sektor, 20% frå bedrifter og 10% frå privatmarkedet. Selskapet har ein stor bil- og maskinpark.  Dei har satsa på teknologi og der er GPS i alle maskiner. Dei har tre ingeniører tilsett, og dei kan prosjektere og lage reguleringsplaner sjølve. Bedrifta er lærlingbedrift. Dei har i dag fem lærlingar. Det er kamp om arbeidskrafta i bransjen, og derfor viktig å utdanne maskinførarar sjølve.  Dei har stort miljøfokus og utarbeider miljøbudsjett for alle jobber. Bedrifta har i dag fem arbeidsbilar som er EL-bilar. Vidare vert det vurdert å ta i bruk både EL-drivne gravemaskiner og hydrogen drivne lastebilar.

Du kan lese meir om Hole Maskiner AS ved å gå inn på linken under.

Anleggsentreprenør | Hole Maskiner AS (hole-maskiner.no)

Refererent

Petter Velle

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.