Referat fra besøk Stranda Industrimuseum 26 oktober

Møtereferat bedriftsbesøk på Stranda Industrimuseum onsdag 26.oktober 2022

Vi var 17 medlemer av Rotaryklubben som reiste over fjellet til Stranda for å besøke Stranda Industrimuseum som vart opna i juni i år. Vi vart mottekne av to engasjerte personar som guida oss gjennom utstillinga, nemleg Helge Søvik og Reidar Lunde. Det var heilt fantastisk å sjå alt som dei har klart å samle og utstille av møblar og tekstilprodukt m.m. som har blitt produsert i Stranda kommune frå ca år 1884 og fram til i dag – eit svært breitt spekter av produkt ca 150 i antal som representerer industrien og grunderverksemda i Stranda. Desse er stilte ut på den 600 kvadratmeter store salen i det som tidlegare var produksjonslokale til Ekornes-fabrikken.

Tre sentrale personar i Stranda si industrihistorie:

Frå venstre:

1. Peter I. Langlo, i daglegtale berre kalla «PI», grunnla P.I.Langlo fabrikker i 1907. Etter dette oppstod omtalen «Stranda – Møbelindustriens vogge»

2. Jon Ringstad starta Ringstads Pølsefabrikk i 1884

3. Jens Bastian Langlo, i daglegtale berre kalla «JB» starta Langlo`s Elektrisitetsverk i 1912

Dette bildet viser møbeldesignarar som kjem frå Stranda;

Frå venstre

1. Per Øie

2. Peter Opsvik

3. Jarle Slyngstad

4. Harald Relling

Det var vanskeleg å finne gamle møblar produsert av P.I.Langlo fabrikker, men det viste seg at Ekornes hadde lagra gamle teikningar, og dei var «sporty» nok til å produsere ein salong spesielt til denne utstillinga

Reidar Lunde orienterer om Stranda sin næringsmiddelindustri, Ringstad Pølsefabrikk, Stabburet og Norsk Sjømat

Reidar Lunde orienterer om Stranda-bedrifta PLA – MEK som no har flytta produksjonen til Aursnes i Sykkylven – dei er ein stor leverandør av formstøypte komponentar i plast til mellom anna Ekornes

Helge Søvik fortel om den elektriske tidtakingsmaskina som strandaren Harald Berge utvikla til Norgesmesterskapet i alpint på Stranda i 1972

Den første Olabuksa i Norge vart produsert på Stranda av bedrifta Møreklær

Stranda var også i ein periode stor på konfeksjonsindustri, som t.d. Alvo skjortefabrikk

Karl Mjelva starta produksjon av elektriske komfyrer i Geiranger

Her ser vi ein fornøgd gjeng frå Sykkylven Rotaryklubb, fullstappa av inntrykk frå Stranda

si industri- historie, guide Helge Søvik til venstre på bildet.

Refererent

Bastian Weiberg-Aurdal

22. august 2016

Utvekslingsstudent frå Brasil til Sykkylven

Les om Daniel Pedroso som har kome den lange vegen frå Brasil til Sykkylven

2. august 2016

Verdenspresidenten i Rotary 2016/2017: John F. Germ

Les meir om den nye Verdenspresidenten på Nyhendesida vår.

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.