Medlemsmøte med besøk i Bronsealderhuset
Sykkylven Rotary Klubb, møte 20. september 2023 i Banksalen og i Bronsealderhuset.
Referat.
1. President Knut Henning opna og ønska velkommen.
2. Allsong v/ Olav P.: Dei gamle fjell i syningom. Det tredje verset med «…Dei hava snutt om Vollarne og flutt og rudt og bygt; men dei gode gamle Kollarne dei standa like trygt.» …høver særs godt med tanke på gravinga og anleggsarbeida ved møtelokalet.
3. 3-minutt v/ Geir Brekke. Han takka for merksemd og blomster til 70 års-dagen, og heldt fram med nostalgiske tankar frå 1960-talet. Utgangspunktet var ymse papir i arkivet etter far hans, Bjarne Brekke: Fest-telegram, lånepapir med 6 % rente, o.s.b.
4. Mat og kaffi-pause.
5. Klubbmedlemmane kryssa vegen ved Auremarka og gjorde innstig i Bronsealderhuset, reist stort sett på dugnad av ihuga bygdafolk med «Aura-Påls venner» i spissen. Her venta styreleiar Ole Bjørn Roald og Kjetil Tandstad med fyr i åren og levande lys på bordet og langs veggane. Dei fortalde på interessant vis om visjonar og planar for utvikling av dette historiske området, med røter minst 2000 år attende i tid.
6. President Knut Henning Aursnes takka så mykje for den interessante informasjonen, og gav ei lita gåve til Ole Bjørn og Kjetil
Referat og bilete: Olav Pileberg
22. august 2016
Utvekslingsstudent frå Brasil til Sykkylven
Les om Daniel Pedroso som har kome den lange vegen frå Brasil til Sykkylven
2. august 2016
Verdenspresidenten i Rotary 2016/2017: John F. Germ
Les meir om den nye Verdenspresidenten på Nyhendesida vår.
7. juli 2016
President i SRK 2016-2017. Klubben har passert 60 år.
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Rico Bil AS: Blomstrande bedrift med bil i fokus!
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Bedriftsbesøk til Nyborg AS
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
3. mai 2016
Dugnad i Kyrkjeparken
Kyrkjeparken i Sykkylven, ei perle i sentrum!
Service Above Self – Å gagne andre – kjem av og til ekstra godt til syne hos medlemmene i Sykkylven Rotary Klubb. Til dømes på den årvisse dugnaden i Kyrkjeparken.
20. oktober 2015
InterCitymøte på Berlihuset
Onsdag 14,. oktober hadde vi besøk av guvernør Odd Jarle Hagen og ass. guvernør John Stenes