Sykkylven Rotary Klubb
Place content here
Sykkylven Rotary Klubb
«Kom mai, du skjønne, milde…» Mai er månaden som alle gleder seg til: konfirmantar, musikantar, unge, aldrande og eldre. Å leike, rusle rundt, eller berre sitje på ein benk og trekke inn lufta av vår. Kanskje nyte synet av det norske flagget i flaggstanga; «Det er Norge i rødt, hvitt og blått!»
I alle år sidan kyrkja vart innvigd i 1990 og parken var klar, har Rotary-klubben lagt si ære i at parken skulle vise seg frå si beste side frå mai av. Graving, klipping og raking, – vekk med ugras, kvister, plast, boksar og anna rusk og rask som skjer i augene. Konseptet er stort sett det same, frå år til år: Sykkylven kommune stiller traktor med romsleg tilhengar til rådvelde; så takk, Oterhals og Tekniske tenester! Dei fleste medlemmene i klubben har hage sjølve, og såleis bra greie på kva som skal til. Dei kan også å behandle ei motorsag, om detskulle vere nødvendig. Stemninga er vanleg munter, og særleg når kaffikoppen og eit fat med sveler kjem på bordet omtrent halvvegs i dugnaden, går drøset livleg. I fjor måtte dugnadskvelden utsetjast ei veke, grunna eit utriveleg vêr. Denne gongen var det snø og litt regn til over lunsj, men så klarna det opp, og resten av dagen var det solskin, fryd og gaman, og attpåtil fullmåne etterpå. Perfekt timing! Rotary-president Knut Henning Aursnes var i Oslo denne kvelden, men i hans stad fekk vi innkommande president Nils Arve Kjemphol Schwartz og dugnads-ansvarleg Knut Jarle Vik til å kommentere. Dei streka begge under kor viktig ei slik oppgåve er, ikkje berre for kyrkja og kommunen, men også for klubbmedlemmene. Felles innsats mot felles mål styrkjer samhaldet. Dessutan er arbeidet viktig for oss alle som bryr seg om bygda vår og området rundt Sykkylven kyrkje.
Utruleg gøy: Ingjerd og Greta demonstrerer dobbelt-disse på leikeplassen.
Innkommande president i Sykkylven Rotary Klubb, Nils Kjemphol Schwartz og dugnadssjef Knut Vik har god kontroll på arbeidet.
Med Nils ved rattet på den kommunale traktoren kjem rusket presis på plass.
Bilde til høgre.: Svein Erik, Sindre, Olaf, Roger, Knut Jarle: dei stilte velvillig opp for fotografen.
Først bilde, så mat. Bak, frå venstre: Knut Jarle, Ilyas, Sindre, Svein Erik, Steven, Audun, Helge, Knut, Ove,
Framme, frå venstre: Steinar, Roger, Nils, Ingjerd, Greta, Bastian, Odd, Jan, Olaf. Olav fotograf bak kamera.
Sykkylven Rotary Klubb, Olav Pileberg, tekst og foto, for Nyss, den 26. april, 2024.
9. september 2017
Les referat frå Ingrid sitt flotte foredrag: "Frå Norge til Nederland: Sykkylven på godt og vondt".
5. september 2017
Les kva speidarane hadde å fortelle frå Landsspeiderleiren i Bodø 2017.
5. september 2017
Les referat frå Sykkylven Rotaryklubb sitt besøk ved den nye Brannstasjonen.
29. juni 2017
Les og sjå bilder frå presidentskifte i Sykkylven Rotaryklubb. Bastian tek over som president etter Steven.
26. juni 2017
Les siste Infobrev nr. 20 frå Prosjekt Filipinnene.
17. juni 2017
Les kva Daniel hadde å fortelle frå sitt opphald her i Sykkylven. Sjå også bilder frå "avskjedsfesten".
13. juni 2017
Les referat frå møte i SRK der Kjell fortel om identitetstjuveri og mester -identitetstjuv Viggo Johan Ørbak.
22. april 2017
Les Sindre sitt foredrag frå eit spennende liv både til lands og til vanns.
8. april 2017
Les kva visepresident Bastian hadde å fortelle frå Presidentkurset (PETS) på Dombås 1. og 2. april. Les også kva sokneprest Helge fortalte om sin situasjon etter oppseiinga av sin jobb som prest.
1. april 2017
Les referat frå det interessante og framtidsretta foredraget som Fredrik heldt 29. mars i Sykkylven Rotaryklubb.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
