Styremøte 5 mars 2025

Referat frå styremøte i Sykkylven Rotary klubb 05.mars 2025

Til stades: Nils Arve Schwartz, Knut Martin Molnes, Knut Henning Aursnes, Sindre Stuen, Roald Mork, Knut Jarle Vik, Arild Sporsheim, Steinar Klokk

Sak 1: Innkomande president for 24/25 og innkomande president for 25/26.

Kristin Grebstad takka ja til å ta på seg rolla som innkomande president, og dermed president frå hausten.

Nils Arve vil jobbe vidare for å få på plass innkomande president for 25/26.

Sak 2: Intensjonsavtale med Sunnmøre Friluftsråd vedk strandrydding.

Presidenten viste til framlagt intensjonsavtale mellom Rotary 2305 og Sunnmøre Friluftsråd.

Vedtak: Styret går inn for å delta, og vi vel å legge aksjonen til området frå Møre Trafo mot Aursnesodden. Vi legg aktiviteten til onsdag 2.april. Nils Arve og Knut Jarle i prosjektkomiteen tek ansvar for prosessen vidare.

Sak 3: Invitasjon til Ålesund Øst Rotary klubb sin 60 års feiring.

President m/følge er invitert til jubilèet onsdag 2.april kl. 18 på Fjellstua. I og med at dette kolliderer med strandryddedagen så vurderer vi at det er viktigare at presidenten prioriterer eige arrangement.

Sak 4: Naturmøteplass invitasjon frå Sykkylven Frivilligsentral

Lokasjonen er ved Bakkedammen på motsatt side av Aure barneskule. Det vil vere annankvar tysdag 12-14. Første gang vert 1.april. Vertane skal koke kaffi og ta imot dei som kjem. Fleire lag og organisasjonar vert invitert til å delta. Det bør vere to personar kvar gong som er vertar.

Vi utfordrar medlemmane i klubben, og melder inn dei frivillige som kan delta til koordinator på Frivilligsentralen. Nils Arve sender ut informasjon til medlemmane, og så vert det tatt opp på eit klubbmøte.

Sak 5: Eventuelt deltakar til RYLA.

Det har kome inn to aktuelle kandidatar. Jakob Lunde og Christian Wales.

Ingen av dei har arbeidsgivar som kan bidra, men samstundes er det lenge sidan vi har hatt deltakarar på RYLA. Vi ser at det kan vere lurt å sende begge to, I og med at det er lenge sidan klubben har sendt nokon. Klubben dekker kostnadane for begge.

Vedtak: Jakob Lunde og Christian Wales vert meldt på til RYLA og klubben dekker kostnadane for begge to. Sindre tek saka vidare.

Sak 6: Status medlemsverving.

Knut Henning orienterte. Har ikkje fått svar med henne som vi var i dialog med rundt marknadsføring tidlegare. Vi må vurdere andre som kan gjere denne jobben. Elles er det kanskje nokre nye som det vert jobba med. Vi diskuterte om Nikolai Karlsen kan vere ein aktuell person å utfordre ifht marknadsføring.

Vedtak: Knut Henning tek kontakt med Nikolai Karlsen ifht marknadsføring, og elles så vert alle medlemmar oppmoda om å ta med folk på møta slik at vi kan sjå om dei trivest, og dermed kan rekrutterast som medlemmar.

Sak 7: Eventuelt

Knut Martin utfordra til at vi alt no på våren kan tenke og legge planar for kva vi skal gjere rundt julelys eller liknande rundt BUAS. Nils Arve tek dette opp på neste styremøte.

Referent

Steinar Klokk

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.