Klubbmøte den 09 september 2020

Referat                                                                                                       Sykkylven Rotaryklubb

9.sept 2020  Møteleiar: President Knut Jarle

Namnedag: Trygve, Tyra og Trym.  Utleia frå uredd på norrønt.

Dagen i dag 9.sept: 1020 - slaget ved Svolder, 1896 – Fram-medaljen inn stifta til minne om Fritjof Nansen, 1981 – Norge slo England 2-1 på Wembley, 1982 – Norge slo San Marino 10-0.

Info presidenten: Neste møte, 16.sept, er guvernørbesøk og intercitymøte på Promenaden på Ikornnes kl 19.00, påmelding på liste eller mail til Knut Jarle, kr 300,- pr pers (innkrev seinare).  Møblane i sparebank-salen er ikkje ein del av huset og er donert vekk, styret/president følger opp.

Dagens song v/OlavP: Pengegaloppen av Vidar Sandbeck (i vinden på Ønskekonserten på 60-talet)

3-Minutt: Geir Brekke - arveoppgjer. Geir kom med ei tydeleg oppfordring: REIS HEIM OG RYDD OPP! For det er viktig å ordne opp på førehand, slik bordet er reint når vi går ut av tida. Tenk igjennom og gjer det skikkeleg, for har ein ikkje gjort det så fører det ofte til strid blant etterlatte om pengar, eigedomar, osb. Det er kvar enkelt i salen sitt ansvar å gjere dette snarast – uansett alder!

Rotarykaffi: God eplekake og fin drøs rundt borda.

Dagens program: Åsne Folstad frå SNU – Sykkylven Næringsutvikling.

Åsne orienterte om at SNU er eigd av bedriftene i Sykkylven og Sykkylven kommune. SNU har ansvaret for næringsdelen i strategisk næringsplan for Sykkylven kommune.

Fokus no er eit omstillingsprosjekt slik Sykkylven kan bli omstillingskommune. Bakgrunnen er lite/ingen satsing på næringsfond og at Sykkylven har eit svært einsarta næringsliv.  Samen med Årdal er vi botnen ifht sårbart næringsliv. Prosjektet er eit samarbeid mellom kommune og næringsliv, med støtte frå fylkeskommune og Innovasjon Norge. Målet er å sikre eksisterande og skape nye arbeidsplassar, skape eit robust og variert næringsliv og utvikle samarbeidet mellom kommune og næringsliv. I mars og april var et stort mediafokus på konsekvensen av Covid-19 for næringslivet i Sykkylven. Dette var god hjelp i søknadsprosessen. Sjølv om det allereie no går godt for det meste i Sykkylven er det viktig å tenke omstilling mens ein har god styringsfart. Blir prosjektet godkjent vil det det utløyse store offentlege midlar i inntil 6 år framover. I så fall vil det bli tilsett ein  person som skal drive prosjekt i samarbeid med alle involverte aktørar. Som ein del av søknaden skal det neste veke arrangerast eit «innspelsmøte». God forankring er eit suksesskriterie!

SNU driv og med grunderrettleiing og Hoppid, bedriftsrådgjeving, forvaltar kommunalt næringsfond som 1.linje, kopling mot fylkeskommune, fylkesmann, Innovasjon Norge og SIVA.  SNU er også  administrasjon for Sykkylven Reiselivsforum, der fokus no er m.a. felles marknadsføring og utvikling.

Åsne Folstad siterte også Leon C Megginson: «Det er ikke den sterkeste som overlever, heller ikke den mest intelligente. Det er den som er mest tilpasningsdyktig til endring».

Meir info om SNU finn du på www.skaprglede.no  Gjer deg også kjent på www.sykkylven.com

Det var mange innspel frå salen, der ein m.a. diskuterte at det viktig å tenke kva som tiltrekk seg yngre folk;  Automasjon og digitalisering, satsing på reiseliv, grunderutvikling (der Åsne viste til kva ein har fått til i Førde med utviklingsfelleskap og Reodorklubb, osb) og ikkje minst tilgjengelege sentrumsboliger.

Åsne Folstad avslutta med å presisere at vi har eit aktivt nærlingsliv i Sykkylven som teknologisk er langt framme og med mange attraktive arbeidsplassar.  Men det er for einsarta. Målet er å bli meir robust!

Takk til Åsne for eit interessant og informativt foredrag som skapte engasjement!

  Referent: Hallstein Lillevik

22. desember 2016

Julemøte i Sykkylven Rotaryklubb 21.des. 2016.

Les om det tradisjonelle Julemøtet i Sykkylven Rotaryklubb.

1. november 2016

Lars P. Riksheim Treindustrier

Les og sjå bilde frå Sykkylven Rotaryklubb sitt bedriftsbesøk 26. oktober 2016

23. oktober 2016

Verda sin poliodag 24. oktober

Sjå og les korleis SRK valgte å markere denne dagen.

22. oktober 2016

Guvernørbesøk og to nye medlemmer i SRK

Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.

22. august 2016

Utvekslingsstudent frå Brasil til Sykkylven

Les om Daniel Pedroso som har kome den lange vegen frå Brasil til Sykkylven

2. august 2016

Verdenspresidenten i Rotary 2016/2017: John F. Germ

Les meir om den nye Verdenspresidenten på Nyhendesida vår.

7. juli 2016

President i SRK 2016-2017. Klubben har passert 60 år.

Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.

4. juli 2016

Rico Bil AS: Blomstrande bedrift med bil i fokus!

Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.

27. juni 2016

Bedriftsbesøk til Nyborg AS

Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.

28. mai 2016

Gardsbesøk

Gardsbesøk 25. mai hosBastian