Sykkylven Rotary Klubb
Place content here
Sykkylven Rotary Klubb
1889, Thomas Edison viser levande bilde for første gong. 1928, Chiang Kai-shek blir president i Kina.
1973, Jom kippur-krigen begynner. 1981, Den egyptiske presidenten Anwar Sadat blir myrda.
1875, Den første trikketuren (med hest) i Oslo. 2007, Landanlegg Nyhamna på Aukra for Ormen Lange.
Namnedag: Målfrid, Møyfrid
Song for dagen var: «Det er lauvfallstid», og presidenten fortalde at frammøte for forrige møte var 55,56%.
3-minutt var ved Petter Velle, og hans tema var «Organdonasjon». Han har særleg kjennskap til dette grunna sjukdom i nær familie. I Norge står pr. i dag 4-500 menneske på vent for organdonasjon, som kan vere einaste utveg ved alvorleg sjukdom. Organ frå 1 persom kan redde 7 liv, og aktuelle organ er hjarte, lever, bukspyttkjertel, lunge og nyre. Einaste organ som kan transplanterast få levande er faktisk nyre, og det må vere frå familiemedlem. Det er ingen aldergrense for organdonasjon, personar på 90 år kan vere aktuelle givarar. Nærståande personar må bekrefte standpunkt om donasjon. Petter har sjølv meldt seg som donor.
Dagens foredragshaldar var Roger Hofseth, som etablerte firma åleine i 2001. I 2004 tilsette han ein person, kjøpte eit nedlagt meieri i Vanylven og satsa særleg på foredling av laks. I dag går faktisk 87% av laks uforedla ut av landet. Hofset-gruppen står imidlertid for ½-parten av all foredling av laks i Norge, der 95% går til eksport. Hofseth-gruppen består i dag av fleire firma. Talet på tilsette er 530 personar, og omsetninga er ca. 5 milliardar. I 2020 foredla dei 60 000 tonn laks. Gruppa starta med foredling og kjøpte seg deretter inn i oppdrett. Dei har 3 foredlinganlegg og 5 oppdrettslokalitetar. Selskapet kjem no med oppdrettsandelen til Sykkylven kommune. Dei kjøper rogn, produserer smolt i Tafjord, set ut fisk i Storfjorden, fraktar fisken pr. båt til Ålesund og slaktar der. 90% av fisken blir utnytta. Alle fiskeprodukt er godkjende ASE, strengaste kvaitetskontroll, og Global Gap, mærenes kvalitet. Hofseth er i dag Norges største lakseforedlar, kjøper 5 ½ % av all laks produsert i Norge, og har eigen oppdrett av ca. 15.000 tonn pr.år. All eksport går som butikk-klare varer. Gruppa har kontor i USA, Sverige, Hamburg, Portugal, Kina osv. 75% av eksporten går til kjedebutikkar, 20% til restaurant og 5% til matkasser. Avskjær går til fabrikk i Misund, som prosesserer råstoffet til kalsium, protein og olje. Produkt herifrå har fått legegodkjenning i USA som helseprodukt for anemi, for dei som er blodfattige.
Hofseth-gruppen kjøpte i 2016 oppdrettsfirmaet Fjordlaks Aqua i for 1 milliard, og har no investert for tilsvarande. Målet er å etablere landbasert oppdrett, som er konsesjonsfritt, og som opnar for slike investeringar. Dei har derfor kjøpt ei nedlagt olivingruve i Røbbervika (Raudbergvika) og starta prosjektering av landbasert oppdrettsanlegg for realisering i løpet av 10 år. Dette skal kunne produsere 100.000 tonn pr. år. I parentes kan nemnast at først i landet med landbasert oppdrett, var Brødr. Vik, Sykkylven. Sjøvatnet i Storfjorden idéelt for oppdrett, med tanke på inn- og utstrøyming, temperaturar etc. Det betyr at ein kan produsere oppdrettslaks billegare på land i Røbbervika enn i sjøen. Oppdrett er kraftkrevjande, men her er store kraftmengder i form av overskotskraft frå Tafjord på natt. Lakseslam (avføring) frå laks kan også generere energi. Ein eigen 
laksstamme for landbasert oppdrett kan skaffast, avtale om foring er på plass, Ålesundsfirma skal bygge ut. Med mykje grøn energi får ein eit lavt karbonutslepp. I samarbeid med Flakk-gruppen er det plan om å byggje Hydrogenanlegg på Hellesylt, så alle firmaets båtar kan gå på grøn energi. Om dette prosjektet kan realiserast, dreier det seg om ein byggekostnad på 15 milliardar i løpet av 8-10 år, og kan gi 3-400 arbeidsplassar i regionen.
Referent: Odd Holen
22. desember 2016
Les om det tradisjonelle Julemøtet i Sykkylven Rotaryklubb.
1. november 2016
Les og sjå bilde frå Sykkylven Rotaryklubb sitt bedriftsbesøk 26. oktober 2016
23. oktober 2016
Sjå og les korleis SRK valgte å markere denne dagen.
22. oktober 2016
Stranda Rotaryklubb inviterte til intercitymøte på Stranda Hotel, onsdag 19. oktober, i høve guvernørbesøk frå D 2305.
22. august 2016
Les om Daniel Pedroso som har kome den lange vegen frå Brasil til Sykkylven
2. august 2016
Les meir om den nye Verdenspresidenten på Nyhendesida vår.
7. juli 2016
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
