Kyrkjepark og konfirmasjon
Kyrkjepark og konfirmasjon
Like visst som mai kjem «med blad og blomar», like visst stiller dugnadsgjengen frå rotaryklubben i Sykkylven til dugnad for å gjere Kyrkjeparken vakker til glede for brukarane.
Ti varmegrader og lett overskya er tilnærma idealvȇr for den som vil gjere eit arbeid i hagen – for ikkje å seie i ein park som Kyrkjeparken! Til helga vil her samlast konfirmantar med familie og kanskje tilreisande frå andre stader i landet, og alle vil dei gjerne bere med seg eit godt inntrykk frå ei vellykka samling på ein stor og viktig dag for familien.
Dugnad
Sykkylven Rotary Klubb har lang tradisjon for raking og rydding ved den nye kyrkja, som etter kvart har blitt trettito år. Innsats eit par timar frå nærare tjue klubbmedlemmer viser så visst att – ikkje minst når lasset med kvister, ugras og anna rusk er klart til å køyrast vekk. I år hadde den kommunale feie-bilen effektivt sopa opp strøsand, småstein og rusk i vegbana, men der var rikeleg att på grøntareala og i blomsterbeda til å gripe tak i. Så får det heller våge seg at våryre, skrattande skjorer finn mindre tilfang til reira sine.
Samhandling og sosial gevinst
Innsats for felles formål gjev alltid gevinst i lyd og lag som driv godt. Ein god del av gevinsten er av sosial art: vennskap og felles interesser gjev oftast ein endå grønare farge på «botnlinja» enn om ikkje dugnadsånda hadde fått utfalde seg. Med til opplegget høyrer også ein god kaffi- eller tekopp, med noko attåt. Dette siste fann stad midtvegs i økta, i beste Rotary tradisjon. Leikeplassen midt i parken var som vanleg den perfekte samlingsstad for matpausen. SRK-president Roger Kornberg understreka Rotary sin lange dugnadstradisjon både her ved kyrkja og i samband med Speidarbo, hytta ved Speidarvegen. Rotaryanar og kyrkjeverje Arild Sporsheim og Roger er samde om at etter som vi er inne i «Frivillighetsåret» er det ekstra stas å få gjere ein innsats som viser igjen på ein så sentral stad i bygda. Det er heller ingen tvil om at slik innsats er i beste Rotary-ånd «Service Above Self».
Dugande rotaryanarar på dugnad i Kyrkjeparken:
bak, frå venstre Knut Jarle Vik, Geir Løseth, Knut Vollstad, Oddbjørn Ramstad, Bjørg Dyrkorn Velle, Roger Kornberg, Arild Sporsheim, Nils Arve Kjemphol, Knut Martin Molnes, Bastian Weiberg-Aurdal, Olaf Ellingsen, Per Ringdal, Sindre Stuen, Hallgeir Lade, Geir Brekke.
Før: Knut Molnes klar til å fjerne visna blad og rusk framfor kyrkja sin hovudinngang.
Etter: grunnen er klar for ny årsvekst! «Kom mai med blad og blomar…»
Geir, Oddbjørn, Bjørg, Nils og Knut gjer det vakkert framfor minnesteinen over dei falne frå Sykkylven under Fridomskrigen 1940-1945.
Matpause: Kyrkjeverje og vertskap Arild serverer kveitebrød av høg kvalitet til Per. Kjellaug Roald er meisterleg kveitebrød-produsent.
Nils, Bjørg og Roger set pris på ein pause med god prat, kaffi og kveitebrød.
Dugnaden går mot slutten og resultatet viser godt att i den romslege tilhengaren frå Sykkylven kommune.
Sykkylven Rotary Klubb, Olav Pileberg, tekst og foto, for Nyss i veke 18/19, 2022.
19. april 2026
Presentasjon av Høbben
Onsdag den 15. april fekk klubben besøk frå HØBBEN ungdomsklubb i Ullavika. Hanna, Hedda, Sofie og Kieu presenterte klubben på beste vis til eit lydhøyrt publikum.
9. april 2026
Sykkylven Rotaryklubb inviterte Severin Roald til foredrag. Tema: Kunsten å skape tillit.
Severin Roald som vaks opp i Sykkylven, men som no bur i Oslo.
Gjennom foredraget «Kunsten å skape tillit» ga han fleire nyttige råd til dei frammøtte.
Roald var blant anna innom 10 punkt for korleis ein kan skape tillit.
26. april 2025
Kyrkjepark og Rotary-dugnad
Det nærmar seg både konfirmasjon og 17. mai, og tradisjonen tru stiller Sykkylven Rotary Klubb (SRK) opp med vårpuss i området ved kyrkja.
27. mars 2025
Medlemsmøter hos LK Hjelle 26 mars 2025
Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og pres
13. desember 2024
Besøk av Lene Trude Solheim frå NHO
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Sykkylven Røde Kors
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Hjelp Rotary med å utrydde polio nå!
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Høyr Bill Gates oppfordre oss til å bidra til Polioaksjonen
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399