Sykkylven Rotary Klubb
Place content here
Sykkylven Rotary Klubb
Sykkylven Rotary Klubb, møte 26. mars 2025: Bedriftsbesøk,
L. K. Hjelle Møbelfabrikk.
Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og presenterte møbelfabrikken på beste vis med god informasjon gjennom ord og bilde. Etterpå fekk vi ei runde i fabrikken, i etasjen under.
Produksjonen består av Sofaer, Puffer, Lenestoler, Stoler og Bord. Pluss reservedelar. På nettsidene www.lkhjelle.no finn vi bra bilde med oversikt over produkta. Målet med heile produksjonen er kvalitet og eksklusiv design for både dagen og framtida. Underleverandørar av ymse komponentar finn vi i nærmiljøet Sykkylven/ Stranda, eller i distriktet, hovudsakleg innanfor fylket.
Fabrikken har 25 tilsette, og ei omsetting på rundt 50,5 mill. kroner i 2024. 30 prosent av produksjonen går til eksport; hovudsakleg til USA og Europa. God ordreinngang primo 2025.
Modellane går attende til 1960 mens soga til fabrikken går heilt attende til 1940-talet. Jens Peter viste bilde av «stiftingsbrevet», dagsett 1941. Etter ein kort periode kjøpte Lars Karl Hjelle ut dei to andre stiftarane, og vart slik eine-eigar av bedrifta L.K.Hjelle. Eit barnebarn av Lars Karl, Dag Hjelle, arbeider i bedrifta i dag som produktutviklar. Eit bilde frå 1960 viser ein delegasjon frå L.K.Hjelle i ei SAS flytrapp. Dei er på veg til USA. Her hadde dei kontakt med bl.a. HermanMiller, som i dag er USA sitt største konsern innan møblar, og hovud-mottakar av L.K. sin eksport til USA. Med andre ord: tidleg ute i den oversjøiske marknaden!
Bestseljarane i dag var i utgangspunktet ikkje L. K. Hjelle-produkt. Siesta-stolen i ymse variantar/ modellar var det Ingmar Relling som opphaveleg sto bak, år 1966. Til L.K. i 2014. Sigurd Resell designa Modell 711, «eit tidlaust ikon», og seinare Falcon i 1971. Begge desse modellane er innkjøpte av fabrikken i løpet av dei siste åra. «Norway Says» kom på marknaden i 2002, med designarane Torbjørn Anderssen, Andreas Engesvik og Espen Voll. God utnytting av materialet, minst mogleg volum for transport, enkelheit i produktet er grunnleggande krav til produksjonen. I dag også berekraft og krav til resirkulering av dei einskilde komponentane. Dagens designarar er fleire, og ein viser til fabrikken si nettside.
Omvisinga i produksjonslokala var interessant, men utan produksjon på kveldstida. Fabrikken set si ære i å bruke førsteklasses råstoff/ komponentar i alle ledd. Difor kan prislappen på ein Modell 711 stol bli etter måten høg (sjå bilde!) Med nøttetre armlene/ treverk og rygg/ pute av hud estimerte Jens Peter ein kostnad på 20-30.000 kr. pr. stol! På bildet: merk spesielt armlena: dei er kopi-dreia på ein spesiell dreiebenk som i Noreg finst i kun to eksemplar. «Den eine står i Hornindal og dreier våpenkolbar», i følgje Jens Peter.
Etter ein dryg time gjekk ekskursjonen/ bedriftsbesøket mot slutten, og CEO Jens Peter fekk stor takk for god informasjon og omvising frå Rotary president Nils Arve Kjemphol Schwartz.
Skrivar Olav Pileberg.
Utvendig arkitektur av beste merke hos
L.K.Hjelle Møbelfabrikk
Ei lydhøyr forsamling som heller ikkje gjekk av vegen for å stille spørsmål undervegs.
CEO/ Chief executive officer (Dagleg leiar/ Administrerande direktør) Jens Peter Brunstad tok mot og informerte.
Kristin: verdig og velkledd, prøver ein av dei gode sofa kreasjonane.
Modell 711 stol, med eik treverk og ull puter.
Jens Peter deler detaljar om Modell 711 stol, i amerikansk nøttetre og hud.
Falcon, også ein kreasjon med mange års ansiennitet i marknaden.
President Nils Arve fann seg godt til rette i Falcon.
Klubbmedlemmene rundt «stansebordet» der hudene blir scanna og malane plasserte for optimal utnytting av det kostbare materialet.
Jens Peter med «største utfordringa» for omatt bruk/ recykling: puter laga av eit skum-produkt basert på olje. Dei andre komponentane kan brukast om att, men denne…??
The Grand Old Man i norsk møbeldesign, Ingmar Relling. (1920-2002) Mannen bak Siesta.
“Norway Says” med dei tre dyktige designarane Torbjørn Anderssen, Andreas Engesvik og Espen Voll.
27. mars 2025
Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og pres
13. desember 2024
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399
19. oktober 2024
Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.
17. oktober 2024
«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.
18. mai 2019
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020
22. januar 2019
Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.
10. februar 2018
Les referat frå Presidenten sin time med Vinlotteri.
Møtested: Bibliotekjelleren
Adresse: Pilgata 10, 6230 Sykkylven
Postnummer: 6230
Sted: Sykkylven
Land: NO
Møtedag: Onsdag
Møtetid: 19:00
Møtespråk: no
