Medlemsmøte 26 juni 2024 med ny president Nils Arve
Sykkylven Rotary Klubb, møte i Bibliotekkjellaren 26.06.2024
1. Vår nye president Nils Arve Schwarts ønska velkommen til siste møte før ferien. Han presenterte programmet for kvelden ved hjelp av storskjerm på veggen, slik førre president Knut Henning Aursnes hadde teke til med, etter oppgraderinga av lokalet.
2. Allsong, ved Olav P.: Jag tror på sommaren ; med tekst og melodi av Stig Olin.
3. Kunngjeringar frå sekretæren v/ presidenten, etter som Steinar Klokk hadde forfall. Det vart delt ut ny komitéliste med orientering om SRK.
4. 3-minutt skulle vere ved Ingrid v. d. Velde. Ho hadde sendt tekst og bilete frå Helsingfors, der ho var for å oppdatere seg på fotokunst med dobbelt-eksponering. Hennar fokusområde har til no vore dråpe-fotografering. Det har ho fortalt om tidlegare. Ved dobbelt-eksponering får det ferdige bildet ein «ny dimensjon» etter som det blir lagt eit nytt lag – eit nytt bilete – oppå det første bildet. (Sjå døme)
5. Mat og prat. Vår dyktige Kjellaug Roald stilte med sommar-bløtkaker: ein ytterst velsmakande inngang til sommarferien. Hallgeir Lade og Asbjørn Riksheim var høgst kvalifiserte kaffi-kokarar og servitørar.
6. Presidenten tok så ordet og orienterte om «The Magic of Rotary», mottoet til den nye verds-presidenten 2024-2025, Stephanie A. Urchick.
Sjå gjerne https://d2290.rotary.no/no/distriktshandboka-2024-2025 Mellom anna er polio nesten utrydda på jorda. Unntaka er Pakistan og Afghanistan, der det enno finst einskilde tilfelle i avsidesliggande strøk. Bak linken over her, finn vi også hennar presentasjon frå Rotary International Assembly, den 8. januar. Ta deg gjerne eit kvarter på PC-en og opplev ho, så godt som «live». Etter orienteringa fekk vi fem minutt til avsluttande prat, før president Nils Arve kunne avslutte sitt første ordinære (og vellykka) møte. Vel heim!
Skrivar (for Steinar N.), Olav Pileberg
7. juli 2016
President i SRK 2016-2017. Klubben har passert 60 år.
Ny president i Sykkylven Rotary Klubb 2016-2017 er Steven Blindheim. Presidentskiftet var 29. juni, og 6. juli leia Steven sitt første ordinære rotarymøte. Mellom anna orienterte han om klubben, som nettopp har passert sine 60 år. Charterdato er 5. juli.
4. juli 2016
Rico Bil AS: Blomstrande bedrift med bil i fokus!
Bedriftbesøk til Rico Bil AS i Ålesund sto på programmet 13. april 2016. Vi vart tekne særs godt i mot av dagleg leiar Jorunn Lundanes og noverande konsulent Fred J. Rishaug. Han grunnla bedrifta i 1988 og sto for leiinga til 2014 då Jorunn tok over.
27. juni 2016
Bedriftsbesøk til Nyborg AS
Sykkylven Rotary Klubb: Bedriftsbesøk 15. juni 2016 hos Nyborg AS, Sykkylven. http://nyborgfan.com/ Bedrifta produserer vifter og utstyr til ventilasjon i skip, oljeplattformer og alle leveransane blir "skreddarsydde" etter kunden sine behov.
3. mai 2016
Dugnad i Kyrkjeparken
Kyrkjeparken i Sykkylven, ei perle i sentrum!
Service Above Self – Å gagne andre – kjem av og til ekstra godt til syne hos medlemmene i Sykkylven Rotary Klubb. Til dømes på den årvisse dugnaden i Kyrkjeparken.
24. februar 2016
Sykkylven Næringsutvikling
I dag hadde vi besøk av Jarle Strømmegjerde som heldt et interessant foredrag om SNU og aktivitetane der. Sjekk gjerne denne heimesida: http://www.skaparglede.no
20. oktober 2015
InterCitymøte på Berlihuset
Onsdag 14,. oktober hadde vi besøk av guvernør Odd Jarle Hagen og ass. guvernør John Stenes
21. mars 2015
KK-Seminar/ Klubb Kompetanse Seminar, Ålesund
Distrikt 2305 inviterte tillitsvalde i klubben til seminar 21.mars 2015, på Quality Hotel Waterfront i Ålesund. Biletet viser samlinga i plenum før lunsj.