Intercity møte Sykkylven og Stranda
Sykkylven Rotary Klubb; intercity-møte tysdag 10. mars 2026, kl.18 i BYRG-huset, Stranda. På program-menyen: torskemiddag, m.m.
1) President Torbjørn Sæther i Standa Rotaryklubb ønska velkommen til klubbmedlemmene i intercity-møtet. Sykkylvingane fekk særleg merksemd,- også fordi Torbjørn hadde budd på Sætre, Sørestranda i fire år for over 50 år sidan, og kunne «skryte på seg» både å ha mange fine venner framleis der, og i tillegg selt bøker til Olav Pileberg ved Ullavik skule. Ingen dårleg intro og presentasjon!
2) Programmet, kort info ved Presidenten: torskemiddag med lever og rogn, og med førsteklasses kokk og medhjelparar. Friviljuge hjelparar frå Rotaryklubben fekk også applaus. Ordførar i Stranda frå 2023, og klubbmedlem Einar Arve Nordang ville informere om kommunen. Men aller først…
3) Dikt-lesing v/ Bjørn Helge Omenås: Erik Bye, som i år ville ha blitt 100 år, laga dikt til kona si, då ho fyllte 60 år. Vår Beste Dag «Kom og lytt til lyset når det gryr av dag/ solen løfter sin trompet mot munnen…» Vakkert!
4) Torsk, rogn, lever, poteter, gulrot: heilnorsk tradisjonsmat av høgste klasse! Her kan underteikna referent lett bruke uttrykket om «å ete kroken av magen!» Rett nydeleg var det. Likevel: eg greidde å halde att eit lite volum til desserten: is med syltesaus (?) All ære til – som nemnt ovanfor: førsteklasses kokk og medhjelparar.
5) Einar Arve Nordang, Rotary-medlem og ordførar i Stranda kommune fekk no ordet. Han gjennomførte i fin stil (trass i at han truleg helst ville ha ønska seg ein god middagslur etter måltidet) informasjon gjennom tale og lysbilder i 35 minutt om kommunen, med temaet «Reiselivet som motor i Stranda kommune». Heilt attende til 1859, då nokre engelske kvekarar på misjonsferd besøkte Geiranger-bygda, drog han historia. 1875 begynte engelske rederi å tilby turar hit, og det har sidan då berre auka på, til dagens «ordna kaos» som vi kjenner til, og med UNESCO verdsarv-status sidan 14. juli 2005. Natur, næring og folk i samspel er det som kvalifiserer til denne statusen. Alt i alt eit knakande interessant foredrag frå ordføraren, om ein kommune som slett ikkje kviler på sine laurbær, men er særs oppegåande ut frå sine hovudaktivitetar innan (mat-, møbel-) industri og reiseliv, med fritid, natur og kultur i fokus. Etter føredraget var det høve til å stille spørsmål,- og dei mange vitna om ei interessert og lydhøyr forsamling.
6) President Sæther retta stor takk til dei mange som hadde medverka til den vellykka intercity-festen. Tre lykkelege vinnarar kunne etter loddsal innkassere kvar si flaske med innhald,- før president Kristin Grebstad takka på vegne av oss femten sykkylvingane for invitasjon til ein vellykka torskemiddag og god sosial samklang rundt borda. Ho la også inn eit godt ord for neste samling ved NTNU, den 29. april, der temaet er inkludering. Kanskje kan også slike møte styrke interessa for Rotary blant dei yngre. Kristin informerte også om klubben sitt skifte av møtestad, til Sykkylven Frivilligsentral. Ho minte vidare om det opne møtet i Sykkylven kulturhus den 8. april: då vil Severin Roald dele «gode tips og råd» frå ein toppleiar. Muligens vil SRK til hausten gå ut med invitasjon til intercity-samling med HJORT på menyen. Den som lever, får sjå/ smake. Strandarane kan vente i vona om ein invitasjon! Tusen takk, frå president Kristin Grebstad og Sykkylven Rotary Klubb.
7) Møtet slutt, kl. 20.40.
BYRG-huset ved fjorden er fast møtestad for Stranda Rotaryklubb.
President i Stranda Rotaryklubb, Torbjørn Sæther
Torskemiddag av god klasse!
Linda og Olav: storfornøgde med menyen!
Ordførar Nordang hadde god kontroll på «Reiselivet som motor i Stranda kommune»
President Kristin Grebstad i Sykkylven Rotary Klubb
referat v/ Olav Pileberg.
26. april 2025
Kyrkjepark og Rotary-dugnad
Det nærmar seg både konfirmasjon og 17. mai, og tradisjonen tru stiller Sykkylven Rotary Klubb (SRK) opp med vårpuss i området ved kyrkja.
27. mars 2025
Medlemsmøter hos LK Hjelle 26 mars 2025
Bedriftsbesøket hos L. K. Hjelle Møbelfabrikk var frå starten av samling i møterom bak dei store og spennande glasflatene i arkitekturen som ein kunne sjå frå utsida. CEO dei siste fem åra, Jens Peter Brunstad, ønska velkommen til oss 23 frammøtte og pres
13. desember 2024
Besøk av Lene Trude Solheim frå NHO
Lene besøkte oss med foredraget: Næringslivets perspektiv - for utvikling og vekst. Vi fekk eit godt innblikk i kva NHO driv med og om næringslivets utfordringar i Møre og Romsdal.
15. november 2024
Sykkylven Røde Kors
Onsdag 13. november fekk vi besøk av Sykkylven Røde Kors ved Jon Erdal som fortalde om alt det flotte arbeidet dei gjer for bygda både innan omsorg og i hjelpekorpset. Vi fekk eit godt innsyn i det viktige arbeidet dei gjer.
22. oktober 2024
Hjelp Rotary med å utrydde polio nå!
Rotary held fram kampen mot polio –
Rotary-klubber verden over held fram kampen mot polio, og no har innbyggjarane i Stranda og Sykkylven ei unik moglegheit til å bidra. Ved å gi til lokalt Vipps-nummer 134399 kan du bidra.
20. oktober 2024
Høyr Bill Gates oppfordre oss til å bidra til Polioaksjonen
Hvert bidrag teller i kampen mot polio! Visste du at når du gir penger til Polio plus, tredobles effekten av din gave? For hver krone du gir, matcher Bill og Melinda Gates med to kroner. Sammen kan vi stoppe polio én gang for alle! Vipps til 134399
19. oktober 2024
Hjelp Rotary med å utrydde polio nå!
Fare for internasjonal spredning gjør fortsatt polio til en internasjonal folkehelsekrise, sier Verdens helseorganisasjon (WHO), som har som mål å utrydde polio innen 2027. Så lenge det fortsatt er i polio i verden, er det fare for spredning.
17. oktober 2024
Anita gir polio et ansikt
«Polio er en fryktelig sykdom», sier Anita. Det er smerter, lammelser, operasjoner, seinskader. Kort sagt mye «tapt liv». «Vi må gjøre alt vi kan for å utrydde Polio!», fortsetter hun.
18. mai 2019
Presidenten sin time
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020