Referat frå Rotarymøte 10. mai 2017:

President Steven ønska alle vel møtt til dette Rotary-møte 10 mai. Han presenterte dagens gjest Frank Sve som ville holde innlegg om Regionutvikling.

Som vanlig nemnte han noko av det som har skjedd denne datoen opp gjennom historia: I 1897 blei Einar Gerhardsen født. I 1937 blei «far» til Oluf, Arthur Artzen født. I 1941 flaug Rudolf Hess i hemmelighet til Storbritannia, og blei straks arrestert. Ol mester på 1500 m skøyter, Ådne Søndrål, blei født i 1971. Dei første allierte styrker kom til Norge i 1945. Og til sist, men ikkje minst, blei Nelson Mandela president i Sør Afrika i 1994.

I trubadur Olav sitt fråver hadde presidenten valgt ein relativt vanskelig sang å synge uten akkompangnement, nemlig «Jeg vil male dagen - - »  Med særlig Ingjerd si hjelp, kom vi oss greit igjennom alle fargene vi skulle male dagen med.

Bilde over: Ingjerd under full utfoldelse under Rotarysangen.

I sekretær sitt fråver fortalte Steven at ved dugnaden i Kyrkjeparken var det 16 frammøtte. Det gav frammøteprosent på 42.  3 mai var det 24 frammøtte og 60 %.

Det var ikkje mindre enn seks rotarianer som har bursdag kommende dager i mai. Det gjekk litt kjapt for referent, så han kan ikkje gjengi bursdagene. Når han får bedre tid, vil han gå inn i medlemsregisteret og ajourføre dei på Websida.

3- minutt var denne gangen ved Rolf: Han fortalte at han har hatt fiske som hobby heile livet. I sin barndom og ungdom dreiv han med bl.a. med trankokeri samen med far sin. Elles laksefiske med laksenot. Saman med Per Furnes har han hatt båt og drive med rekefiske. Dreiv det så langt her at han fikk «løt», altså lott eller andel av utbytte av fangsten.

For å videreføre den flotte fiskehobbyen, reiste kona Helga og han til Lofoten og Henningsvær for å overvære Lofotfiske. Han fortel at han blei veldig fasinert av dei store mengdene med skrei som blei tatt på land og ført til mottaka i Henningsvær. I følge Rolf, blir det tatt i land tilsvarende 2.5 mrd torskemåltid årlig i Lofotfiske. Etter gyting vender skreien tilbake til Barentshavet, der fleire nasjoner driv nokså utstrakt fiske. Likevel kjem det veldige mengder torsk tilbake til Lofoten for å gyte neste år.

Etter Rotary – kaffe, var vi spente på kva Frank Sve hadde å sei om regionsutvikling. Han starta med å fortelle at han er medlem i Fylkestinget og er gruppeleder, og leder for plannemnda i samferdselsutvalget.

Han fortsatte videre med å argumenterte han  kvifor Stranda og Sykkylven burde slå seg samen. Dette ville gi sterkere muskler både helse, sosialt, teknisk og økonomisk. Stranda og Sykkylven er kanskje dei kommunene i Møre og Romsdal som er mest like både geografisk og når det gjeld næringsliv. Derimot var Frank meir skeptisk til sammenslåing med Ålesund og mindre kommuner som Norddal og Stordal. Dette på grunn av altfor stor forskjell både mentalt og i næringsliv.

Skeptisk var Frank også til at Møre og Romsdal skulle slå seg samen med andre regioner. Vi er Norges nest største eksportfylke, og å samarbeide enten nord eller sørover var han veldig skeptisk til. Dessuten ville avstandene bli veldig store, og der M &R lett ville bli dominert enten av Bergen eller Trondheim.

Frank er svært entusiastisk når det gjeld samferdsel. Etter knallhard jobbing, er det no klart for Nordøysambandet der Nordøyane blir landfast via undersjøiske tunneler og bruer. Dette er budsjettert til 3,4 mrd kroner. Kan ein forsvare å bruke så masse penger til å gjere desse øyene landfaste? Trass alt er det berre 3000 mennesker som bor her. Nøkkelordet har er fristilte ferjemidler. Når ein tek med kva det koster å kjøpe inn eller å leige ferjer, pluss kva det koster å drifte og halde ved like ferjene, og at tilslutt  Fylkeskommunen likevel  må betale inn årlig underskudd, vil dette lønne seg økonomisk. Dersom ein tek med disse fristilte midlene, i tillegg til å bruke ferjebillettprisen til  å betale bompenger, vil prosjektet gå med overskot.

Når det gjeld Nordøysambandet, er fristilte ferjemidler ein stor del av finansieringa. Når det gjeld Storfjordsambandet vil det bli mindre fristilte ferjemidler og meir bompenger. For øyeblikket er trafikken over Storfjorden ikkje stor nok til at ei hengebru let seg finansiere med billetter og ferjeavløsningsmidler. Men Frank meiner at når både Ørsneset – Magerholm og Hareid – Sulesund får henholdsvis 2 og 3 toppmoderne elektriske ferjer, vil dette auke trafikkgrunnlaget såpass at Storfjordsambandet let seg realisere.

Frank fekk spørsmål om korleis det går med tunnelen mellom Stranda og Sykkylven (Hole –Engeset). Her meiner han at trafikkgrunnlaget er meir enn stort nok til at denne lett let seg finansiere. Det som det no står på, er at kommunene er seine med å regulere områda rundt tunnelåpningene.  Så snart dette er på plass, burde ein kunne gå i gang med tunnelarbeidet.

Ein annen flaskehals for samferdselen er Horningdalsvegen. Frank fortel at Volda og Horningdal vil slå seg saman. Då vil Horningdal bli ein del av Sunnmøre, med det resultat at den sårt tiltrengte vegen  vil bli mykje høgere prioritert.

Eit anna moment Frank ber oss ha i tankene, er synergieffekten dei forskjellige samferdselsprosjekt har. Her vil det kome inn lokale maskinentreprenører, den lokale handelen vil ta seg opp osv.  

Frank fortalte at han gjerne kunne fortsatt eit par timer til om sitt store engasjement for samferdselen  i Møre og Romsdal, men tida strekte ikkje til. Eit foredrag som engasjerte rotarianerene i Sykkylven veldig. Referent vil få lov å legge til at det er ei fryd å høyre på personer som både er så kunnskapsrike, så engasjerte og så visjonære som Frank. Vi ønsker han lykke til med framtidige prosjekt i Møre og Romsdal.

President Steven overrakte ei lita oppmerksomhet for det engasjerende foredrag. Tilslutt kom Steven med  den triste beskjeden at han hadde beslutta å avlyse Rotary-turen 21. mai på grunn av manglende påmelding. Neste møte blir derfor 31. mai. Så takka han for frammøte og ønska alle vel heim.

Referent

Jarle Svindseth

Publisert av Jarle Svindseth 12. mai 2017