Sykkylven
Rotary Klubb, klubbmøte den 21. oktober 2020 kl. 19.
Skrivar:
Olav Pileberg
President Knut Jarle Vik ønska vel møtt til
rotarymøte. Ingen
gjester.
Namnedag i dag
for Berger, Bergljot, Birger.
Fødselsdag for Alfred Nobel, 1833.
Dizzy Gillespie, 1917. Manfred Man, 1940. Trond Nagell-Dahl, 1968.
Minnedagar: 1929 – første krakk på børsen i New York. 1942 – MS
«Palatia» (bygd 1928) senka utanfor Lindesnes av britiske fly. Sjå biletet. 960 menneske omkom,- dei
fleste russiske krigsfangar. På Lindesnes står minnesmerke, avduka av Kong
Harald V i 1997.
1950 – Tibet
okkupert av Kina. 1962 – Hurtigruteskipet «Sankt Svithun» forliste ved Rørvik.
1975 – den første norske oljen pumpa i land i Teesside. Kom frå Ekofiskfeltet. Glaset
på biletet er frå 22. juli 1981 og er merka Norsk Hydro, Core No.: DST 3,
Well No.: 5, Field: 31/4, Depth: 2107 m.
1991: EØS-avtalen underteikna. (NB: fleire datoar for
signering og ikraftsetjing.) 1992: Dollie de Luxe har London-premiere på Which
Witch, den 22. oktober. Piccadilly Theatre.
Klubbmedlemmer med
bursdag i veka: Per og Øyvind.
Song for dagen: Din tanke er fri… etter leiaren i Sunnmørsposten i dag: «Vi må stille
til forsvar for den frie tanke»,- i samband med m.a. drapet på den franske
læraren Samuel Paty, Paris.
3-minutt: Odd Holen, om Rotary sine kjerne-verdiar, slik dei er
skrivne på nynorsk i vårt klubblokale, på engelsk, eller på andre språk, verda
over. «Dette er grunnen til at eg vart medlem i Rotary, og framleis er det», sa
Odd... men han la til: …eg tykte det vart litt einsamt, åleine på kontoret, då
eg starta mitt eige arkitektkontor. “The
Four-Way Test of the things we think, say or do is a test used
by Rotarians world-wide as a moral code for personal and business relationships”
(Wikipedia)
Skrivaren tek her med både den engelske originalen og vår nynorske versjon:
The 4-way Test, 4-spørsmål prøva;
Om saker vi tenkjer, seier og gjer. |
|
1. Is it the truth? |
Er det sanning? |
2. Is it fair to all concerned? |
Er det rettferdig
overfor alle det vedkjem? |
3. Will it build goodwill and better friendships? |
Vil det skape forståing og betre venskap? |
4. Will it be beneficial to all concerned? |
Vil det vere til det beste for alle det vedkjem? |
Rotary International
sitt motto, Service above self, - teneste framfor eigeninteresse, er
berebjelken i Rotary. – Dette er inga moralpreike, sa Odd. – Eg gjer meg visse
refleksjonar om kva dette inneber.
Matøkt/
kaffipause.
Foredrag:
ved Daniel Ask, Hovedstyreleder, Prostatakreftforeningen (PROFO) i Norge. Også leiar for Sunnmøre Prostatakreftforening. Av yrke fysioterapeut, m.a. med praksis i Sykkylven for 30-40 år sidan. Gjennomsnittleg alder for å få prostatakreft (pk) er 69 år. Meir enn 5000 får diagnosen kvart år. Dette er 1/3 av alle kreft-tilfelle hos menn! Av desse får 1820 kirurgi (prostatektomi) fordelt på 13 sjukehus. (I Hamburg er det eit sjukehus som opererer 2500 pr. år.) Om lag 3500 tilfelle med spreiing vert oppdaga kvart år. Om lag 60 %, 1000 personar, døyr av sjukdomen. Over 54000 lever med eller har hatt prostatakreft. 15000 menn får hormonbehandling i Norge. Åtte gonger fleire under 60 år får i dag prostatakreft enn for 15-20 år sidan. Dermed vert talet på familiemedlemmer og nærståande som det vedkjem, rundt 200.000. Nokså omfattande tal! Kvar 6. eller 7. mann får prostatakreft i Norge. Slett ikkje berre «gamle menn» får sjukdomen. 4-5 av oss frammøtte i klubben har, statistisk sett, prostatakreft.
Screening med PSA-prøve (blodprøve som signaliserer mogeleg pk) av alle menn
vil, i følgje ei gransking utført ved Sahlgrenska Universitetssjukhuset i
Sverige, gje ein gevinst på 30% færre dødsfall. På spørsmål, svara Daniel at
den høge sjukdomsfrekvensen i Norge/ Skandinavia, ser ut til å vere særeigen
for vår del av verda. Kanskje knytt opp mot miljø og kosthald. Vi veit ikkje.
I t.d. Det fjerne austen er biletet eit heilt anna.
Om Prostatakreftforeningen (PROFO) vart det opplyst at det er ei
foreining for personar som er eller har vore råka av pk, og deira partnarar. «Eg
likar å samanlikne oss med eit blautkokt egg; mjukt inni og hardt utanpå, slik
at vi kan nå fram hos politikarane.» Foreininga har om lag 3500 medlemmer,
fordelt på 26 lokallag. Her torer mennene å snakke om sjukdomen. Medlemmene får
støtte, råd og rettleiing i ein krevjande situasjon. PROFO arbeider for at dei
som er råka skal få eit optimalt og likeverdig tilbod om behandling, same kvar
dei bur i landet. Færre skal døy – fleire få eit betre liv! Ein ønskjer
også å fjerne tabu rundt sjukdomen og behandlinga. Ei anna plage, som ikkje har
noko med kreft å gjere, er forstørra prostatakjertel, nokså vanleg hos eldre.
Dette pressar mot urinrøret, og gjer at karane må opp for å «slå lens» fleire
gonger i løpet av natta. Aksjon Blå Sløyfe har kome til dei siste tre åra, frå
2017. Mustasjeaksjonen vart arrangert i fjor, men ikkje teke opp att i år,
p.g.a. Covid-19 restriksjonane. Opplysningsverksemd står elles sentralt hos
PROFO, både opp mot politikarane og befolkninga i landet. Politisk er det eit
krav at det ikkje skal gå meir enn 10 dagar frå tilvising frå fastlegen til
utgreiingsfasen tek til. Utgreiinga skal vere unnagjort på 24 dagar. Etter
maksimalt 32 dagar skal behandlinga ta til.
Aktuelle saker: 1) «Den
nasjonale prostatakreftdagen» er gjennomført for 9. gong. Dette er ein fagdag
som samlar legar, forskarar og politikarar. I mars samla arrangementet over 200
deltakarar. 2) ED-medisinar på blå resept. Vart vedteke i Stortinget i 2016. 3)
Blå sløyfe-aksjonen/ Mustasjekampanjen. 4) Screening, for tidleg
oppdaging. 5) Folkemøte i september/ PROFO-Uka
37-sept.
Symptom: Ingen symptom i tidleg
fase der det er mogeleg å lækje. Altså: dersom du har symptom, kjem du for
seint. Desse symtoma kan vere…
·
Vanskar med å late vatnet
·
Blod i urinen
·
Ryggsmerter
Behandling: Kirurgi (Robotoperasjon), Stråleterapi m/ hormonbehandling,
Aktiv overvaking, Brachyterapi, HIFU, Kjemoterapi og medikament.
PROSTATAKREFT: Eit vegskilje, ingen blindveg.
Hovedstyreleder i PROFO, Daniel Ask, avslutta med å legge inn «eit godt
ord» for foreiningane som han står i spissen for, og for foreininga som han
leier her på Sunnmøre.
-Vi vil gjerne ha fleire medlemmer og slik stå sterkare andsynes
politikarane og styresmaktene i arbeidet med å fremje sakene som vi brenn for. Bilete:
PROFO-NYTT, medlemsblad.
President Knut Jarle takka for eit interessant føredrag, og ønska til
sist alle vel heim.
Frå
Prostatadagen 2008, på Rikshospitalet, Oslo: ein «godt vaksen» modell av
prostatakjertelen. Velkommen, stig inn, slik som denne skrivaren fekk lov til.
https://www.nrk.no/viten/prostatakjertelen-1.6275297
18. mai 2019
President Greta leia Presidenten sin time på beste vis, og fordelte orda mellom Geir Løseth, 3-minutt, og innkommande president Petter Velle, som orienterte om kommande Rotary-år 2019-2020
22. januar 2019
Friluftsmannen Terje Aurdal besøkte Sykkylven Rotaryklubb og tok medlemmene med på ein forvitneleg tur på ski, på sykkel og i kano frå Grense - Jakobselv i Finnmark, gjennom Finland og Sverige til Sulitjelma og heilt til Lindesnes.
10. februar 2018
Les referat frå Presidenten sin time med Vinlotteri.
11. januar 2018
Les referat av ordfører Odd Jostein si orientering om stoda i Sykkylven Kommune.
6. januar 2018
Les Olav sitt flotte referat frå Presidenten sin time 3. januar.
6. januar 2018
Les Olav sitt flotte referat med m.a. Lars Einar Riksheim sitt foredrag om Amtec.
6. januar 2018
Les Ragnar Kaland sitt foredrag om arbeidsplassen sin Laader Berg.
28. oktober 2017
Les kva vår utvekslingsstudent frå Brasil hadde å berette via skype.